1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
嗰晚喺鵝頸橋，遇著個心上人 「上」

🕊️廣東話文，帶粗口。

1
今日，安達陪町伯食晚飯。

安達唔係好明點解佢一收工都係屈服地來咗，可能町伯在電話把聲有種大佬嘅威嚴同不容拒絕嘅語氣啦。

「町伯，仲乜叫我嚟蓮香居食飯，都講咗話今日唔使請囉。我今年拿到花紅啊，我地依餐可以AA阿。」安達未坐低已經見到町伯叫到成圍枱。

「A乜春，你地班後生仔日日A來A去，阿伯唔受！唔好同阿伯爭找數，依餐我嘅！」町伯飲啖茶繼續講。「安達啊，聽日跑馬仔啊！搵你聽日請飲早茶又話拍拖唔得閒，今日你夜晚又沒野做，咪來陪下阿伯食飯囉，依道隻鴨好好食嫁。順便幫我填吓下一期個六合彩number啦。」町伯再夾咗舊八寶鴨比安達。

講起拍拖，黑澤今日話要見客所以就沒來到，佢話佢真係真係真係好想來架(仲打咗電話好可憐甘講佢好sad)。不過聽日呢就係約實咗聽日要去迪士尼行返轉囉。

「普洱定香片? 定係想飲菊花茶? 安達做乜9啊諗乜甘入神? 諗到乜number要講比阿伯啦?」町伯望住入神嘅安達，乜反應都沒就叫咗佢一聲。

「阿? 無啊無啊諗緊第二樣阿。香片啊唔該。我唔包中六合彩嫁喎，唔填得唔得啊。」安達起身摞過碗去接咗舊鴨，再用手指點點下張枱多謝町伯斟茶。「唔該，町伯。」

「屌！有乜所謂，啲錢唔洗咪又係倒落鹹水海，宜家比個10雞70雞比馬會咪當係做慈善積福囉。」町伯一邊講都夾咗舊鴨落自己碗。

「哇，隻鴨好好食啊！我可唔可以打包半隻阿，我，咳，我屋企果個實好想試下。」

「食唔曬你咪打包多幾碟招牌菜咯。我個BB豬都好鐘意食八寶鴨。我本身都要帶隻返歸，你想咪切半隻，再打包半隻比你條仔囉。」

「咳咳咳。你點知我有，仲係，等陣先！」安達首先差啲比町伯突然之間發現自己鐘意嘅係男仔梗親口水，再get到重點發現那句朗過油嘅甜蜜稱號。「你個BB豬?喔！你之前在澳牛講嘅係呃我嘅！」安達仲以為町伯真係無人無物。

町伯又夾多好幾件餸比安達同自己，跟住話。「傻仔，講乜你就信嫁啦?出來行醒醒定定啦。阿伯我睇人眼光一向毒辣，睇得出你鐘意嗰個係男人有乜出奇，我夠鐘意嘅係條仔啦。你十下十下真係好彩有人執左你咋。」

安達首先反咗個白眼，好彩黑澤沒聽到，真係唔知點收科，佢實傻笑。一邊食飯一邊聽町伯繼續吹水。

「阿伯我，當年風流倜儻，油尖旺追我嘅人龍長過條彌敦道。但係呢我先生就收服咗我。」救命，町伯佢曬命個樣好閃，黑澤二號來架噢，町伯一定同黑澤好岩傾。

「甘你又搵第二條友食飯，唔約你先生撐台腳嘅?」講完嘅安達扒咗啖白飯送雞蛋焗魚腸。

「今日BB豬佢約咗啊勇個衰佬打牌。」

「你情敵?」咦，好大陣醋味。

「BB豬個死黨。比我下次見到個衰佬叫佢咪走！」次次約完嘅阿勇見到町伯都快如閃電離開現場，仲唔係身有💩！衰佬又講咗啲乜衰野比BB豬聽！

「唉，佢話今晚唔洗預佢食飯噢，我見好鬼死悶咪出街，醒起要請你食餐飯囉......」安達心諗你老闆啊，原來係搵我攝時間。

町伯跟住夾咗啲鯪魚肉落安達隻碗後講。「BB豬交代我要多謝你上次比我贏馬仔，如果唔係就週末唔同我行街街。」安達表示，噢~甘真係多謝佢老公，但町伯講起佢條仔成個人認真唔同，又嗲又姣。

安達忍唔住問，「我真係有少少好奇，啦，就係你同你先生點識架。」

「我BB豬當年真係靚絕中上環，未識我之前，佢嗰時係銅鑼灣跟住個死𡃁仔阿犬一齊收保護費同做偷車，仲偷走咗我個心。」一講起愛侶嘅町伯，睇來係一匹布都講唔曬嘅故事。

「咦 ??? 乜町伯你後生入過社團架。」安達get到重點。

「細個讀唔成書，唔想乞食，咪走去做古惑仔囉，點知越做就越大粒。」

「甘你宜家? 」死啦，甘我宜家咪坐正在個黑幫叔父隔離? 安達有啲腳震。

「你做乜成個人震曬甘驚青，為咗頭家，我都金盆洗手好多年。不過宜家啲𡃁仔唔敢郁我之餘，都會孝敬下我嘅。」江湖地位猶在喔！

飲啖香片定個驚先。「你退休個原因系不愛江山愛美人? 但你望落去都唔似65啊。」

「啋過你啊，阿伯我70後咋。我為咗留住我BB個心，平日都有拿青瓜阿蘆薈啊敷面。」安達聽完望住穿得甘麻甩嘅男人居然話自己有做護膚真係有啲震驚。

「hmmm，甘人地又無話你老，你似三四十。你除左啲魚尾紋啊，笑紋，簡直凍齡。」安達表示都係要記得讚町伯，驚佢記仇。

2
講起上來，町伯在未比人叫作町伯之前，除咗町叔町哥，仲有個威水名叫做大佬町，佢曾經係油尖旺坨地。

成個油尖旺聞町色變，無人夠膽搞町田啓太個地頭。邊個敢搞，邊個第日就會見到自己個檔口比人淋油搞爆破。

而去唔同嘅夜總會同骨場桑拿過夜，係大佬町嘅一個閒情逸緻。單身寡佬鑽石王老五嘅佢，從來沒一個女人可以留得住佢個心。

平日帶囡落酒廊只係幫兄弟撐個場，啲囡囡就自把自地認為自己係大嫂就不免自視過高，仲摸佢個下體chur住町田想落時鐘酒店開房bok野，佢至煩就係遇到依庭麻煩野，催催催，趕住去投胎咩。

今次佢先嚮銅鑼灣兄弟傻威個場，dum低係甘篤佢個紋身，又想誘惑佢就地解決果條女喺男廁，出門口食支煙解下悶散下步。町田往鵝頸橋方向行，甘岩就來到佢個車位，有個𡃁仔對住佢架超跑用唔同嘅鎖匙開鎖。

真係膽生毛啦，你條茂利啊。但做得大佬，町田個心都係好淡定，就望住條友仔會唔會刮花架車，之後搵人屈佢賠反幾倍價錢。

「開到啦，今次賺反筆勁嘅！」開到鎖嘅男人咬住支珍寶珠笑住抬頭，唔小心望到町田個正面，咬住嘅珍寶珠淘出來，對住町田擺向個嘴到，做咗個保密嘅手勢，噓咗聲，留低咗個甜笑。咬反粒糖樹咗入架車開引擎，架香車就甘比個美人開走咗。

町田僵硬地點咗下頭，成個人比佢迷住咗。第一次見到生得甘靚嘅後生仔，件衫解咗幾粒鈕開到落心口，甘岩町田企得斜少少，連個lin頭都若隱若現，白白淨淨唔似其他古惑仔一樣前胸帶有紋身。

sorly，岩唔應該話佢茂利。

町田個心卜卜卜卜甘跳，雖然靚仔靚女唔係無見過，但係佢始終有啲唔同。初生之犢不畏虎，成個大細路咬珍寶珠。但係霓虹燈嘅燈打落來，唔只添上層色欲，連帶個眼神都帶住曖昧，勾得町田個心如饑似渴，唔只想同佢share一個珍寶珠，佢個嘴唇好想錫一啖，下面已經有啲扯旗。

架車開走咗之後，先有交完水費個手足發現仆街啦，開走咗大佬町架車，想上前追，町田就阻止咗想行上前鬧人嘅手足。

跟住町田嘅副手寬太好快搵到場入面偷心賊嘅熟人。町田挨在個門口飲咗啖whisky，然後見人一來就dum咗個酒樽落地下，碎咗個玻璃嚇親來者。

「大佬町，人到咗。」

「乜名，做乜，跟邊個大佬。」町田對住條友一臉兇惡眼神。嚇到阿勇腳軟跪低。

「大佬町，我係啊勇，打理依條街嘅車位，傻威係我大佬。對唔住我，我實追得番嫁車架！個衰楚仔啊，都唔睇係邊個架車就偷。」撻完朵嘅阿勇，跪低依下甘岩望到大佬町個褲浪，一見到大佬個袋大到甘，果然係大佬。

「佢，叫楚仔?個名幾可愛，全名呢。」町田諗返早就絕塵而去嘅空位，回味緊對方嘅笑容。

「赤楚衛，赤壁個赤，清楚個楚，大衛像個衛。」阿勇補充。

「聽日叫佢落大富豪八點搵我，車同人都要到。比我知道佢賣咗架車，就搵人斬你十碌廿碌。」町田講完就走。

「係係係，我一定搵到佢來。」阿勇在後面叫。

TBC