1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
《我做咗補習天王的小助教》1-4

🌟廣東話鳩文

1/
安達清今日喺豐川補習社第一日翻工。

最近市道唔太好。前一排俾人炒咗魷魚嘅佢，喺屋企食住個閒散費踎咗好耐。

而嚮豐川做學生服務助理依份job，已經係安達投咗唔知幾多次的cv，同面試咗好多輪，終於有份肯收佢的工作。人工有啲奀，一皮野都唔到，不過冇計啦，為咗份工，佢搬到去觀塘d工廠區度住，方便去九龍灣翻工。

講起豐川補習社，曾經同其他補習社一樣嘅係，學生唔係特別多。自從前幾年招收咗一位數學名師，學生數量突然之間飆升。呢位老師嘅出身都好好，佢hku精算畢業，查實如果做banker的話，一定賺到好多。不過佢選擇投身教育行業，豐川補習社社長表示是佢地的福氣。因為豐川有左佢，真是賺到盤滿缽滿。

黑澤優一，豐川補習社數學補習天王。安達知道佢，就上個禮拜之嘛，安達想去信和睇figure，在旺角東火車站附近到落紅van，行去皆旺大廈那道，就見到那道個廣告牌印住大大個黑澤優一的名師招生廣告。

日光日白，依個男人笑到比太陽仲掁眼。依個就是安達對黑澤天王的第一印象。

2/

安達嚮公司打完卡之後，前輩藤崎小姐就帶佢行一轉豐川依間九龍灣分校補習社。最大的課室，拉開隔板窗簾可以容納近百個學生在三間課室同一時間上堂。

「安達，除咗你要坐counter回答學生家長詢問同收學費之外，依度嘅課室的電腦IT你有份負責埋架。幫我地嘅老師上堂前set機同處理意外狀況。」藤崎小姐指向課室那幾個投屏和電腦。

「好嘅。我會了解下架啦。」安達眼仔碌碌望向那道，之後對住藤崎點點頭。

「仲有，有需要的話要幫手坐堂喎。」藤崎小姐望住安達乖巧地點頭，繼續表示道。

「下?坐堂?」安達望住偌大的課室，想像下到時依道坐爆學生的畫面，而佢需要坐在甘多人面前，想下就打咗個冷陣。

藤崎見到笑左出來。宜家仲有甘把表情現曬出來但帶d怕醜的可愛男仔真是好少可啦。「咁妳又唔使咁擔心。坐在那道通常都唔使講嘢嘅，但係你唔可以在臺前玩手機咁咯。」

「噢~～～」安達舒左一口氣，唔洗對咁多人講野實在太好。

「我哋個補習社目前女TA太多啦，所以有你一位男仔來幫手，都可以比班女TA少個機會望住個老師發姣，唔好意思用錯詞語，要講發花痴。」

「發花痴?」安達唔明。

「今日禮拜一啊。我地晚上六點會有數學補習天王的live堂，佢個坐堂位好多女TA爭架。」藤崎帶住安達離開間大課室，繼續去唔同的細課室參觀。

「平日就得那兩個位，真係爭崩頭架。」

「甘點解唔讓個位比佢地?輪流坐咪好囉?」安達不解。

「因為我地個黑澤名師，話因為學生的要求，話指定要男TA坐堂喔。可能是收到投訴掛，唔知呢w」藤崎邊行邊講。

「等一等！且慢且慢！」突然有個男仔在安達和藤崎反轉頭的時候阻住左佢地兩個。

「我是六角啊！今日新報道的男TA。唔好意思啊，你地甘早開始briefing的。」六角今日好準時甘返工，經理指左依個新仔去搵藤崎叫佢帶。

「我是藤崎，依位都是新的TA，佢叫安達，大家以後都是同事啦。」安達拘謹地向六角點左下頭。

「甘啊，其實個課室的電腦系統都唔是好難的。你地等陣可以去counter那邊拿個教程睇下。宜家先跟我去倉庫到搬黑澤老師的教科書出來啦。我地下晝要同班同學派教科書同小冊子啊。」藤崎帶佢地到倉庫後指派左兩位男士的工作，微笑地望住佢地把印有黑澤優一靚仔相的數學習題書搬出來。

3/

黑澤優一，佢啲書，安達和六角各搬五六箱到派書區counter。安達咬左啖在華X結買的飯糰，飲咗啖戲院隔離買的貢榮珍珠奶茶，攤左在回放錄片區那邊的空置桌椅到。

太久沒做運動，個腰赤赤痛。但沒辦法，黑澤優一是我地補習社的生財工具，安達好明白要靠黑澤先搵到食，佢份糧都是黑澤的手指罅漏出來佢先有得賺。

『啪！』佢大力甘拍自己塊面！安達清今日第一日返工要醒醒定定啊。

結果，四點幾開始，陸續有學生從派書區到去拿黑澤本數學書。

安達真是派男人派到手仔都軟埋。

「唔該哥哥，我等陣是要上天王老師的數學堂啊。」安達收左佢份課堂單，蓋個印仔，然後一起遞反本今期的數學書和公式小冊子比同學仔。

「記得今晚六點返來上反黑澤優一老師的數學堂阿。」x N次。
安達講的次數多到，平生第一次甘認真將一個素未謀面的人名刻在腦入面。

Counter出面有好幾個迷弟迷妹一起圍爐等上堂。
「頂！點解佢今期封面相仲靚仔過佢上一期架！！」
「我把佢每期的封面上完堂之後切頁收藏啊。」
「唔得唔得，每一題都是黑澤老師同佢的星級團隊設計的題目來架。成本收藏先有價值。」
「屋企邊有位喔。讀成三年，每個月一本，太多啦。」
「切左頁你屋企會多左好多位架。同埋收藏小冊子咪得囉。你邊溫得曬咁大本啊。」

面對住黑澤的迷弟迷妹收到教科書興奮甘在counter出面又跳又叫，見多幾十次真是從一開始的嚇親，慢慢地見怪不怪啦。

安達繼續保持專業態度派黑澤的數學書。

4/

五點半的時候，排入課室條隊伍從正門兜到補習社後門，再去到傢私鋪門口。六角都被call去要舉住個龍尾牌維持條隊形。

龍尾牌，唔計人多到爆的尖嘴donki見到排隊比錢以外。成件事同在書展漫節買限量品要排龍尾差唔多。安達在派書counter到想，甘黑澤優一的live堂名額的確是又矜貴又限量的。

安達揭開左黑澤數學書的第一頁，見到黑澤寫比學生的序言。滿滿一版，佢真是好關心佢個學生喔。

「安達！」藤崎小姐喚回安達的理智。安達即刻蓋返埋本書，扮沒嘢發生。

「是有乜事需要我幫忙?」安達望向藤崎小姐。

「過來實習下點樣set機啦。」

藤崎小姐走過來將個『停止服務』立牌擺在派書counter到，然後帶安達兜到正門。

依個時候，安達見到每個學生的手上都捧住在之前在安達手上拿到的黑澤書，臉上掛住雀躍的笑容。

認真，佢第一次見甘多人對讀書甘興奮，定只是對黑澤優一興奮呢?甘黑澤可以勾起佢地對數學的興趣，又是犀利的。

突然從隊尾開始到正門傳來一陣又一陣的騷動。

「黑澤老師!」「天王老師!」「老師你今日都是甘靚仔!」「黑澤老師我有比心機操數嫁!」「黑澤老師我合格左啊！」「老師你落堂可唔可以幫我解左題微積分佢啊。」「老師我愛你啊!!」

哇，真是好受歡迎噢。安達見到counter的女TA，個個即刻梳頭整衫，拿塊鏡仔check自己個妝，搽唇膏的又有。只是差未排成一條隊齊叫，天王老爺，歡迎你反來。

安達都順住大家的視線望左過去。只見黑澤優一在遠處拿左學生遞過來的簽名筆，開始簽名。真是好誇張，紅過d明星。

礙於時間問題，佢個助理Mandy桑，似是佢保鏢多啲，開始攔住黑澤想繼續簽名的舉動。

「老師你唔好再簽啦。就來夠鐘上堂啦。」

「比我再簽多個，簽多個先啦。我唔可以辜負學生的期望嫁。」

安達就甘遠遠望去，黑澤優一就是人群中的一顆閃到爆鏡又nice到爆炸的男明星老師。

但佢目前沒機會望到黑澤的正面啦，因為佢要跟住對此意外冷靜，但又咪咪嘴笑的藤崎小姐去幫黑澤老師的課室開機。

TBC

p.s.我都估唔到ff開腦洞的我都正式加入鳩文團隊哈哈哈
p.p.s. P左個港區安達看到的廣告牌