1
2
3
4
5
6
7
8
9
10
11
12
13
14
15
16
17
18
19
20
身邊既朋友或者係熟悉我既人，都會叫我做Jeanie，或者喊我全名。

呢個英文名其實係我爸爸細個個陣幫我改既，直到升中學，我先諗住用番我原來既英文名。

但我就同好多小朋友一樣，不停改英文名，今年叫Karen，下年可能叫Lily，再下年可能又改左名做Mary，事實上年同上上年，Amy，Betty，Cindy....等等既名已經被濫用左n次。

而我既屋企人，舅父、姨媽、姑姐、爸爸做野既徒弟、兄弟，都係叫我做「貞貞」，呢個係我由細到大既乳名，甚至連後輩，姪仔姪女姨甥等等都會叫我「貞貞姑姑」，「貞貞姨」等等。其實我都覺得好親切，因為係屋企人用既專屬稱呼。

由我岩岩開始識講野，我都係叫我自己做「貞貞」。
「貞貞想食餅餅」、「貞貞要去公園玩」、「貞貞要膠豬啦」等等既句子，「我」呢個主語，都會變左做「貞貞」。

而呢一個名，亦都漸漸離開左我既生活，除左媽媽平時都係會咁叫我之外，所有同輩既親戚都係大過我（起碼大我9年），佢地好多都要做野，已經成家立室，我又怕有時打電話去搵佢地會阻住佢地，所以除左大時大節都好少見。

今晚，真係好開心，三個由細到大都咁疼我既哥哥都上黎陪我食飯，即使係幾個鐘既時間，都可以乜都講一餐。

我媽媽有兩個比佢大10幾年既哥哥，即係我大舅父同埋二舅父，大舅父有一個大女同一個細仔，而二舅父就有兩個仔。係佢地既角度，我係佢地既堂妹，關係好親，而佢地就係我3個表哥。

雖然三個哥哥同我都冇直接既血緣關係，但其實佢地同親生哥哥沒分別，我地都係一家人，無論做啲乜野，一家人一齊就係最幸福同埋開心既時刻。

心靈上既富足，永遠比物質上既滿足珍貴。 :-)