Plurk paste

「我嘅A0司機」

比好多tips嘅乘客黑澤 X 30歲都仲係A0嘅uber司機安達

🕊️廣東話9文
🕊️有粗口

前言：其實係Katie Leung太太搭完uber 開左嘅gag先，仲p埋圖喔，於是一齊食飯嘅時候，我決定接來寫。咁我都有問下其他姐姐依個腦洞嘅，Hoi太太就話咁啊一定要塞觀塘啦，同埋唔該去埋個新隧道啊。
本人呢，本著9嘅心態，一鼓作氣，文筆係咁上下，總之就寫左個「係囉，一於就咁發展啦」嘅甜文。

1

我呢就叫做安達清，唔洗返工嘅日子我係個兼職uber司機。揸U爸就來快兩年。有一樣嘢我比人叻嘅就係，我唔怕蕩失路，但，我都同其他人一樣，我係怕西客嘅。我希望每一個乘客都識得在個apps到指返個上客位比我，咁我就唔洗氹氹轉啦。我淨係識呢啲架咋。

安達自問30歲真係未養得起車，佢宜家開緊依架豐田就係死黨拓植嘅愛車。其實條友都work from home forever嫁啦，但又話人一世物一世，都係買返架車感受下成年人個世界喔。點知佢個衰仔啊資料搜查完啦，就劈咗架車在停車場鋪灰，大把錢都唔係咁fing嫁嘛。

安達諗，既然自己都考咗車牌囉，不如就租咗佢架車，禮拜六日做下U爸賺下甘囉。

揸uber嘅樂趣唔多，畢竟GTA入面可以係咁9衝紅燈亂咁撞燈柱都唔會有人抓到你，而現實係要遵守返個交通規則嘅。

咁啊揸左咁久都開始累積到啲經驗嘅，青山公路、屯門公路、龍翔道、及西九龍走廊，有邊條佢沒塞過!

安達追求嘅係，揸uber! be water ! 唔要求自己追到紅van，至少唔好比西客屌出聲。佛陀講得好岩，作為路痴福音嘅Google map真係救人一命，勝造七級浮屠啊。

... ...

「唔好意思啊，小姐我想問下你要去嘅奧海城係邊一期啊。」安達今日又兢兢業業跑數中，但佢遇上個c6西客。

「有戲院果期囉。」

「甘姐係第幾期啊？」安達好聲好氣咁問返佢。

「你係司機來嫁噢，你點可以唔識路啊，喂，我比咗錢啦噢，今時今日個服務態度甘樣唔掂噢。唔識你咪撚揸車啦！」

安達比佢語氣轟到，忍住眼水無飆出來，但係又要care個爛鬼星級標準噢，百幾蚊真係唔易賺啊，好惡頂啊。

「呃...甘啊，請問間戲院叫咩名啊。」安達深呼吸咕返啲不存在嘅眼淚落肚，決定小心翼翼地問個客。

「the sky啊。我趕時間啊。」

安達快快手用谷歌map搵到the sky在二期，咋咋林車個大嬸到的士站，然後揸車全速走佬。

「真心嬲啊，唔得，我要聽反首歌開心下!」安達按制播歌，決定要唱埋依首歌先接下張單，揀反佢最近首飲歌先，就你啦!

「Baby shark, doo, doo, doo, doo, doo, doo~
Baby shark, doo, doo, doo, doo, doo, doo~
Baby shark, doo, doo, doo, doo, doo, doo~
Baby shark!
Mommy shark, doo, doo, doo, doo, doo, doo~!
Mommy shark, doo, doo, doo, doo, doo, doo～
Mommy shark, doo, doo, doo, doo, doo, doo～Mommy shark！

Daddy ... 叮🔔」安達播完依首煩膠兒歌心情好返少少，唱唱下突然手機來咗條信息。

咦，係熟客仔來嫁噢。禮拜六日仲要OT真係好忙啊。

-----安達啊。我又來call車啦，你近唔近佐敦啊宜家。🥺

「近啊，我甘岩在旺角啊，黑澤你今日又返工啊。」安達揸車無手手，所以佢語音比黑澤。

「係啊，有個客要見啊，去九龍塘啊，又要麻煩你車我一轉啦。」對面都語音過來，把聲聽落去明亮仲帶啲雀躍。

返工返得佢甘開心嘅，安達都係第一次見。

「收到啦，我十分鐘後到，你再call單啦。」安達拿拿林掉頭揸車去接佢，正啊又可以撈多筆啦。

2

黑澤係安達揸uber第一年入面識嘅一個靚仔熟客，比tips無手軟過，自從熟咗之後鋪鋪tips比車費嘅10%。

靚仔又識賺錢，安達有留意到佢又換左隻陀飛輪啦，公司top sales來嫁，似係年賺百萬嘅成功男士。

仲有，佢真係好好人啊。因為佢唔介意安達播自己鐘意聽嘅歌，仲會送嘢比安達噢。

安達今日Switch咗佢個歌單從你家下黃色衫，又變返著綠色衫🎵，到平平凡凡少女竟會出奇不意，被召喚做銀河勇士🎵。

宜家佢唱緊嘅果首係歌仔係，「來全情Go Go Go Go Go，只要出手氣勢勁到飛起，來全情Go Go Go Go Go，大力捍衛理想自動部署準備。遇黑澤我即刻變大個，遇見黑澤痛快得多，一激起我就有火，盡快盡快辨勝負，亦不必想再拖。」

安達子一邊過燈位一邊又小小亂改歌詞，今日嘅歌單係卡通金曲。

就來到黑澤send比佢嘅地址，安達即刻轉返首「猶如在夢幻國，神奇力量贈我袋仔的法寶~~」

安達見到黑澤上次用咗個多啦A夢嘅筆摘低啲嘢響本簿，估佢應該鐘意多啦A夢掛，播依首歌應該可以霖掂個客拿多少少tips甘啦，希望張單長做長有啦。

安達見到黑澤在路邊揮手。佢就泊埋架車在佢隔離。跟住黑澤打開咗車門，笑住甘坐咗在副駕駛個位到。

係啊，你沒睇錯啊，基本上單人乘客都會選擇坐後座，而依位貴客，自從搭咗唔夠2-3次就選擇咗坐副駕駛座。

單純如安達點會知道，副駕駛座嘅意義啊。個客中意坐邊咪坐邊囉。

... ...

黑澤就唔係咁諗啦，佢真係好想貼張Kurosawa is my co-pilot嘅sticker在個位到，真心唔想比其他人有機可乘坐在安達仔隔離阿!

上車時佢有留意到，安達將自己送比佢嘅飯糰安全帶夾，掛咗在司機位同副駕駛個位。

上次借啲意話係個客送嘅，其實係自己買嘅櫻桃香薰比安達掛在個冷氣槽。

放假響車公廟求嘅路路平安符，就比安達掛左在個倒後車cam到。最估唔到嘅係今日安達仲播埋多啦A夢來接佢，成件事真心係同歌仔咁唱一樣喔，「🎵隨意踏進這扇門，讓理想得到夢變真。🎵」

黑澤表示，好L正。

3

安達同黑澤相遇嘅第一次，係在老蘭果間怡紅院火鍋店。

果次比某公司女CFO約去食打邊爐傾生意。條女係甘叫佢劈酒啦，又借啲意摸手仔又摸大脾啦，黑澤都忍啦。因為盆生意成交額實在好高。

你老闆啊，去廁所洗個臉清醒下，一出門口就比條女擋在個門口係甘錫面阿頸啊，仲想推佢去廁格gathering啊。

條友半醉不得止，混和酒氣噴埋個老鬼婆香水，哄埋來真心難頂，「劈啪」黑澤就比人扯開幾粒鈕，癡線個客甘Q大力嘅？？？

佢即刻扮醉扮傻拱開個客，話要翻屋企餵貓啊(其實佢沒貓)，保住腹肌個幾粒鈕，醉住都快快手call uber走佬啦。傻嫁咩，個八婆無40都望落似50啦，149點梗得落啊。

黑澤忍住個醉意行去大館方向準備搭車閃人。Armani恤衫比人扯到心口大開，黑澤揸住個衫領依然比冬天陣風吹入埋來，真係好Q凍啊仆街。

依個時候個司機就打電話埋來啦。

「你好啊陳生，想問下你在信和停車場到接你ok嗎？」把聲聽落去斯文得來好似好好恰咁。

點解係陳生呢，因為黑澤求9其填uber account名叫作陳世一。

「好。」

「OK，我五分鐘就到啦。」之後就cut左線。

黑澤望左下個apps，安達清，4.86星，你嘅司機已經完成左超過400趟嘅五星行程，祝你旅途愉快啊～。

車一到，咁啱個CFO比人扶出來，哇幾鬼驚險啊，差啲就比佢見到黑澤啦。

9衝上車之後，黑澤坐在個後座，扣好個安全帶，從倒後鏡望左下安達個面相，睇來係個幾易話為嘅司機，同佢講左聲落車叫佢，之後就dup低個頭，終於放鬆地閉目養神。

安達見個客心口大開，於是開高一兩度暖氣，將個player較返細聲。個Spotify咁啱播到百變小櫻嘅《扉をあけて》（打開心扉），安達咪哼住首歌同埋專心揸車咁囉。

全程好舒服，安達手車認真好穩，暖氣又舒服噢，加上安達之後特登較返啲soft啲嘅歌，黑澤就咁訓著左。

... ...

「陳生，到站啦。」有人搖緊黑澤個脖頭，把聲聽落去好舒服。

安達叫極黑澤都唔醒，唯有泊在個停車位，然後落車走埋去黑澤個位到開車門，拍拍黑澤個脖頭。

哇，痴線個客沒反應，塊面啊條頸，仲有恤衫都有紅唇印啊。第一下，安達梗係無諗到黑澤比人非禮啦。 從老蘭出來喔，咁嘅戰績人地可能係情場高手啦，訓得咁鬼熟嘅，於是試下搖下佢。

「啊？」

黑澤打開對眼，發現有個好可愛嘅哥哥仔搖佢，仲用上目線望住佢，諗左陣，係噢，依個係佢嘅Uber司機來嫁噢。

「你返到屋企樓下啦～！哇，好彩你醒左咋。過多陣我驚比人抄牌啊。」

「唔該你啊。」黑澤執返自己個袋，想從架車走返出來。

點知比個安全帶窟住左噢。咁架車唔係安達架嘛，佢租架咋，於是咪按低黑澤，哄埋去幫佢解安全帶囉。

----佢好溫柔啊。

黑澤係咁諗嘅。想讚佢乖仔，但係個頭有啲痛，按摩左下太陽穴之後，同安達講左聲唔該，就執埋個袋落車。

跟住就過埋個馬路。

「Bye bye啦陳生，返屋企小心啊。」黑澤聞聲一望，安達望落去睇落好擔心佢咁。司機做到咁，認真要比五星服務啊。

第二朝醒返嘅黑澤比左100蚊tips比依個uber哥哥。

4

第二次見到安達嘅時候，黑澤就在觀塘call車嘅，點知咁啱安達又接到佢喔。

「你要去邊啊先生，咦，乜又係你啊陳生？」安達打電話比佢嘅時候，居然仲記得佢。

黑澤當然認得安達，佢係第一個令佢印象深刻嘅uber司機啊。

作為每日比人屌老母嘅觀塘區，黑澤今日出現在度係因為有個vip客要飛，所以留左隻寵物比黑澤打算養住個月先，遲啲拿返。

知道要從觀塘返佐敦屋企，黑澤一滴水都唔敢飲，佢Ling住個守宮箱，call車咁啱call到在藍田附近落客嘅安達。

安達今日放假，為左玩到最新果隻mon hunt佢決定今日禮拜五出來接個客，禮拜日留在屋企打機。

「我在駱駝漆果邊等你啊。」

「好啊，我好快入來。」

觀塘真係易入難出，佢好快接到黑澤，但係因為撞正收工時間，兜返出觀塘道，安達部車正式參與入「動物大遷徙」。

塞緊車，每幾分鐘先郁果少少，安達無聊得至跟住佢嘅spotify細細聲唱。

「說佛理 ，老衲和胡迪會唱出天與地。
那方丈，卻用條文限制死 ，官司想發起。
香港哪日會起 ，釋迦與牟尼 ，高登可創造傳佛法希冀。
米老鼠比釋迦那邊著袈裟老衲 ，不可使你快樂笑死～」

今日嘅黑澤好清醒，又對住安達有啲感興趣喔，於是就想R下水吹。

「你唱歌幾得意噢，咩歌來嫁。」

「維尼佛坐著有火氣～～...下？依首係《他約我去見牟尼》啊。唔好意思啊係唔係吵到你，我可以轉歌嫁。」

「沒啊，你唱得幾好啊。咦，司機你姓安啊？好少聽噢個名。」

「我姓安達啊，安達清。你可以叫我安達啊。」

透過塊鏡，黑澤望住安達有點面紅咁摸左下個頸。

「上次多謝你叫醒我啊，果時天氣真係好凍啊，撞正個狼戾客想搞我，好彩你架車到左咋，同埋你手車好穩啊，我訓得好舒服啊。」黑澤真心係想正式多謝安達嘅，仲咁好服務叫佢返屋企，真系訓到成隻豬都唔驚比人賣啊。

「下，乜原來個客想非禮你嫁？？」安達震驚。

「生意唔易做啊，咧，今日我湊緊嘅客要我幫住養佢嘅寵物囉。」

「咩黎嫁，我可唔可以裝下？」

「睇啦睇啦。」黑澤將個守宮箱放在安達轉身就可以見到嘅位。

「睇下先，哇！！咁大條嘅？？蜥蜴啊？？」安達比隻白化又養到肥肥白白嘅守宮嚇到響安。

黑澤笑咗，「唔係啊，佢守宮來嫁。」

安達壓低佢驚蛇嘅恐懼感，趁車龍未郁，認真咁睇左眼。

「唔好意思啊，我太大反應啦，嚇到佢縮埋一角添。」

「佢都幾有肉底喔，應該唔會比你嚇破膽嘅。」

「喔，咁都好啲。」幾驚嚇死隻寵物，要賠錢比人地啊。

跟住落來，黑澤把佢做嘅守宮research講得好鬼生動，於是就咁引到安達同佢吹左十幾分鐘。

只不過，條車龍先啱啱從apm塞到創紀之城。

黑澤覺得依個uber司機都幾好傾啊，同佢一齊又好舒服喔，於是佢大膽地做出一個選擇。

「不如咁啊，我add你contact啊，如果之後咁啱你揸車近我果邊，我call你車啊。」

哇，係第一個比錢佢賺嘅靚仔客喔，唔介意佢唱歌普普通通，仲幾好傾啊。

但呢，「但我只係做開週末嫁喔。🥺」

「咁咪啱囉！我禮拜六日都要見客嫁。😁」

「但係如果太遠我唔熟路嫁喔。🥺 」

「咁我到時候同你一齊睇地圖囉。😎」

「咁咪好阻住你時間？🥺 」

「我習慣提早半個鐘前到，唔驚啊。😉」

「咁好啦。」安達同黑澤交換佢手機number。先知道原來陳生唔係姓陳，而係叫黑澤優一。

「黑澤啊？」安達結束左佢安已不嘅心路歷程，覺得程車真系有排塞。

「做咩事啊，安達？」黑澤chok左下條眉，露出笑容，安達從塊鏡到仲見到佢嘅貓貓笑紋。

「不如你訓陣先啦，仲有排塞喔。」

「好啦。」

20分鐘過去啦，黑澤咪埋眼一陣，打開隻眼睇番，佢地仲未出到觀塘啊。

5

黑澤依家幾乎每個禮拜六日都會坐安達架uber，唔係禮拜一到五，佢絕對唔會揸自己架車，同埋佢都唔會同安達講其實自己可以揸自己車出街嫁！

就係要坐安達BB架車！

依家佢都坐左快一年啦，同埋佢越坐安達嘅車，就越發現到安達嘅可愛同溫柔之處，慢慢咁佢不自覺見到啲精品舖頭有啱安達嘅汽車用品，例如安全帶個套啊，汽車香薰啊，軚盤套軑環套啊，cushion啊，紙巾盒啊，汽車頭枕啊，車用擋風玻璃隔熱貼啊，坐墊啊，車鑰匙套。買埋買埋，越買越多喔，諗緊逐啲逐啲送比佢咁囉。

今日就拿左個hello kitty 車cam搭載中嘅用車玻璃貼，同埋一個新嘅美少女戰士紙巾盒打算送比佢，應該都係落車塞比安達嫁啦。

佢最近在行街見到，咁鍾意粵語卡通金曲嘅安達實鍾意姐。就算唔收咪好似以往咁即走，唔比佢有拒絕嘅理由！

「安達啊，你依家腦入面有咩曳曳嘅說話。」黑澤諗住撩安達。

安達認真諗左陣。「香港真系好靚？我真係好撚鍾意香港？」

「你真係壞過凱婷噢～ 係啦，收唔收到我張單啊。」黑澤笑住call車比安達接。

「收到啦，你係去九龍塘嘅...陶庭酒店啊。」安達開左google輸入個酒店名，之後佢開始淆底。

「係啊，我覆下個客啲contract details先。」

等陣先，安達見到依間係時鐘酒店來嫁喔。

唔通！唔通！黑澤今日穿得咁試正，日光日白就要同個客去爆房！？？

咁人地top sales啊嘛，可能要氹掂個客，位左上位可能犧牲下色相咁嘅情況應該有嘅，就好似第一次接黑澤嘅時候，同埋之前唔止幾次週末夜媽媽，收到黑澤個call叫佢去啲五星級酒店接佢返屋企咁啊。

佢生得咁靚仔，個人有風度，又識吹水，又會送人嘢，可能佢都成日送啲女女禮物呢，都唔係第一次見佢會拿啲紅酒啊香檳禮物袋去孝敬個客啦，今日個紙袋應該都係送比人地嫁啦。

自己收到嘅，有好多都係話係黑澤收到客送嘅，覺得安達啱用嘅。頭幾次就覺得，哇佢賺到哦！

但開始慢慢，每次都收到黑澤送嘅嘢，假設只要一次唔送嘅話，佢就開始有啲囉囉攣。好彩每次黑澤臨落車前點都會送啲嘢比佢。

安達趁燈位同黑澤唔覺意望左下，今日黑澤剩係帶左一個袋咋，入面咁少女嘅盒，實係送比條女嫁啦。

黑澤又忙住覆msg唔同佢吹水喔，乜春contract detail噢，打咁久字，擺明係到撩女啦。

安達個心屈住屈住，好唔開心啊！聽住鍾意嘅歌都無咁好聽啦！

佢真系今日好唔想好唔想同黑澤在架車咁久啊！

所以佢揸得好快，但又好穩噢。

黑澤覆緊手機完全唔知安達見到綠燈就衝，有高速就即上。

今日條路仲要暢通無阻噢，本身四個字嘅車程，控制在兩個字過少少就到達目的地。

「黑澤，你到啦。」

「咦，乜咁快到嘅今日。」仲諗緊在啲燈位到送嘢比安達添。唔梗要啦，依家送都係好時機黎嘅。

「嗯，我都想你準時阿嘛。」安達個心喇住喇住都係比左個笑容比黑澤。

黑澤feel到安達好似有啲嘢，但佢又唔sure噢。

「安達，你唔舒服啊？？」

「無啊無啊，你快啲落車啦，附近有單啊，今日想跑多幾張就早啲收工返屋企啦。可能接唔到你放工啊。」唉，唔好阻住黑澤做正經野啦。

「好啦，最近轉季，你要睇住唔好感冒啊。」然後黑澤就稱起個袋，遞比安達。

「比... ...比我嫁？」安達有啲唔敢相信。

「係啊，我見你上次話個紙巾盒比個客隻狗咬爛左啊嘛，所以我路過見到個應該你會鍾意嘅比你囉。」黑澤望著安達開心將個粉紅色嘅盒打開，入面係禮服蒙面盒款嘅紙巾盒，個袋入面仲有張貼紙添。

「地場衛噢！」

「係啊，個櫃檯仲話今期送依個hello kitty貼紙啊，你啱架可？」

「我OK啊，hello kitty幾可愛啊。」安達笑到成朵花咁。

黑澤依刻真系好想影低安達BB嘅笑容啊！！！

點知有人敲左下車窗。

黑澤心入面吐槽見到個女人，喂啊，就算係佢個客都想鬧9佢，妖你個八婆阻住我同安達BB依依揖揖！

但係佢依然保持好有風度咁笑容，做左嘅手勢叫佢hold一hold。

「安達啊，咁你今日唔舒服就唔好做啦，早啲返屋企啦，最多我比多啲tips，等你無咁辛苦啊。」

「多謝你啊，黑澤，你留返啲自己洗啦，你送我禮物已經好破費啦。」

個客又敲一敲個車窗。

黑澤深呼吸。

「黑澤，你快啲出去啦，個客唔耐煩啦。」收到嘢嘅安達，雖然個心仲係有少少屈住，但係知道份嘢係佢嘅，都沖散左大部分唔開心嘅情緒嘅。

黑澤交低啲嘢就出左架車。

安達望著條女攬住黑澤個手臂，個波又特登哄埋去噢。

關車門前剩係聽到少少話。

「嘢～～優一B啊, 好衰嫁你，同個司機哥哥講咁久嘅, 今日去starbucks買cup不千努好難飲啊, 最衰係個waiter, 好stubborn唔識聽英文囉... ...」

其實，黑澤咁好，如果無穩定長拖揸手，起碼唔少p友啦。自己只不過係佢司機同朋友關係之嘛。

如果篤爆層窗紗，可能以後唔單隻連frd都沒得做，連佢嘅司機都做唔到啦。

望住佢同條女行上石壆往時鐘酒店條路行，佢唔想見到咁嘅畫面。

於是揸佢架車走左。

佢意識到，鍾意黑澤噢，大家都鍾意黑澤嫁啦。所以幻覺來架姐。

佢無發現嘅係，黑澤入嘅其實唔係時鐘酒店，而係個客嘅豪宅。

6

安達送完黑澤之後，就返左屋企。跟住個禮拜，佢都無收到黑澤張單，黑澤實同條女好忙啦。

... ...

黑澤咁啱遇上個大project，上個禮拜坐唔到安達BB架uber，佢都唔想嫁，其實佢真系好掛住好掛住好掛住佢嘅安達BB啊！！！

咁啱情人節到啦，於是黑澤就訂左好大紮玫瑰花，決定跟住就同佢表白！

佢今次諗好啦！屯門開左條新隧道，直達機場喔。

如果從佐敦去機場，可以坐安達架車久啲啦，遊車河入隧道捐山霳，然後開到機場嘅維修區，在好大片藍色天空底下同安達表白。

安達含情脈脈抱住紮玫瑰花，然後兩個人拖手仔行草地，睇飛機，同佢講，放大假嘅時候，帶安達去搭飛機，去佢想去嘅國家。

希望今日成功啦，個天應該會幫我嘅，今日個天咁靚。

... ...

安達見到黑澤捧住100朵玫瑰花嘅時候真心呆L左，望下個手機睇翻個日子，先意識到，係噢，今日係情人節喔。

Sor A0太多年嘅安達其實真系沒過個情人節。黑澤仲話要佢車去機場。

望住黑澤開左個車尾箱擺啲花落去。

安達諗，睇來今次真系女朋友啦，仲要係外國返來，浸過咸水，可能考左MBA，讀marketing嘅，同黑澤門當戶對呢？

安達趁黑澤見唔到嘅角落嘆左啖氣，望著黑澤開心個樣，佢完全開心唔起，又要扮無嘢，聽歌無跟住歌仔唱啦。

望到個海沒對住啲船同黑澤開心咁講邊艘船佢知道啦。

經左成條新嘅屯門-赤鱲角隧道，第一次行新路，佢都開心唔起啊。

黑澤其實feel到安達個低氣壓，唔知點解安達做咩咁唔開心，但係佢又唔可以爆話，其實今日佢係打算表白噢！

依家安達咁唔開心，會唔會表白效果打個八折嫁？

但都比安達見到咁鬼大束玫瑰啦噢！唔係唔送啊！依家佢只係爭送出去咋！！！

... ...

唉，安達佢真系好想講出來，但又唔得噢，真系忍唔住想播首慘情歌。

結果song list 就播左依首《銀河修理員》。

「🎵... ...沿途在修理著熄了的曙光，祝你在亂流下平安,，真愛是任何形狀，對付百孔千瘡, 誰能望穿我... ...🎵」

安達跟住忍唔住跟唱，「誰能望穿我，這種堅壯非堅壯，形勢壞透只好對抗 ... ...」

點知今次黑澤都跟住佢唱，「由我硬撑著，使你心安。」

安達望左黑澤一眼，然後沒出聲，兩個人好有默契咁跟住首歌一齊唱埋落去。

... ...

「🎵銀河上邊跌宕邊看緊對方，跨宇宙又橫越洪荒，不怕在盡頭無岸，遠近我都護航，還能互安慰，不必天氣多清朗，狂雨暴雪一起對抗，任歲月再壞 不致心慌。🎵」

... ...

唱畢，安達有少少眼濕濕，但佢仲要揸到黑澤要去嘅地方，從北大嶼山公路準備入機場路，佢好想調頭啊。

唯獨今程嘅路，佢要笑住望住黑澤接到佢鍾意嘅人，然後車佢哋兩個一齊返去。

在依刻，黑澤握住左安達抓住棍波嘅手。

「傻仔，碌嘢就來比你揸爛啦。放鬆啲啦。」

「車主係我死黨來嫁，唔驚啦，最多咪買返個新嘅比佢囉。」

「安達，我依家想改個車程終點啊，ok可？」

「下，你唔係要接人咩。」

「嗯。」然後黑澤就按左個確認制。

安達從個apps收到個新嘅終點。

「你接嘅人點解跑到咁遠仲入埋維修區嘅？？」

「機場維修區果邊係幾啱影日落啊，所以去果度囉，安達啊，你都開左咁久啦，落車行下啦。果度幾靚啊。」

唉，黑澤出道聲，好明顯就係想幫佢壯膽啦。但佢又沒諗下黑澤講嘅嘢噢，其實唔接機嘅話，係都係同約嘅人一起入維修區啦。

安達堅信，嗯，一定係黑澤約嘅人去左維修區啦。

7

安達跟住黑澤落車沿住海在條馬路一直行一直行，望住黑澤捧著超大紮玫瑰花，真系越睇越礙眼。

行極都見唔到黑澤要見嘅人噢。佢諗，黑澤係唔係比人玩9佢，如果唔係點解黑澤一直興致勃勃咁行啊行啊行啊，離開架車越行越遠噢，但點解一直都見唔到黑澤想見到嘅人嘅？？？

「安達啊，不如我地上埋個長堤啊？」

「下，噢，好啊。」思考緊嘅安達反應唔切，黑澤話上就跟埋上啦。

兩個人行入只係夠一個成年男人再寬多少少嘅長堤。

黑澤在前，安達隨後。

夕陽底下，二人行到長堤嘅盡頭，有啲似十字架嘅巨型天線底下，遠方有港珠澳大橋，腳下踩著石砌嘅長堤，兩旁就係大海。

一直都穩唔到黑澤要穩嘅人，佢沿路開始慢慢唔出聲，仲在到深呼吸喔。

唔通真系發生啲咩事？

安達諗，睇來黑澤係比人甩底啦，所以就打算係長堤到丟左紮花？？？

不過安達都唔介意同佢一起摘啲玫瑰花兩個一齊逐塊逐塊扔落海嘅。

黑澤停左，望左眼個天，有架飛機開緊埋來，距離有啲遠，太陽開始落山，鹹蛋黃加埋個火燒雲個天正是好靚。係時候啦，於是轉身對住安達。

醞釀下個情緒，準備開口。

「安達啊，我呢 ... ...」

個景係靚就靚嘅，但係架飛機開得有啲快囉。

安達根本比飛機引擎聲遮住黑澤下面果句，黑澤想講咩話？？？太陽開始落山姐，但係背光嘅黑澤個口型，太光啦，佢睇唔清啊。

「乜話？？？你想講乜啊？？係唔係想講比人放飛機？？」講完安達用食指對住個耳仔轉圈，然後張開個手板表示聽唔到啊。

黑澤嘆左口氣，頂你個飛機啊，飛咁Q快，搞到安達BB聽唔到我嘅表白！！

於是佢hold左陣，等架飛機起碼開走一段路啦。

黑澤，終於出聲。

「我想講呢！阿清！請你！做！我！嘅！男！朋！友！啊！」

黑澤此時此刻單膝下跪，將束玫瑰花舉返高少少！

「下？？？？」

同樣此時此刻收到表白嘅安達，個腦好似比黑澤投下個巨型原子彈，銀牙個一聲炸開一個愛心型嘅蘑菇雲。

「我鍾意你！請接受我！」黑澤再次鼓起勇氣同安達講。

對於安達實在太突然啦，個腦太空白，dead air左30秒之後先知道發生乜事，黑澤個樣等緊佢，但個樣已經開始謝緊。

黑澤諗，死啦係唔係唔應該玩咁大，仲要是迎合詩與遠方來到天涯海角，趁人少少同安達表白。

其實都有諗過嘅，如果唔成功點算，咁來到咁遠就不成功便成仁嫁啦。

頂，真系沒回頭路，因為安達企左係佢要出嘅出口到。

「但...」安達終於出聲啦。

「係？」黑澤好緊張。

「你上次在九龍塘，去果個時鐘酒店唔係同條女開房咩。」

「誒？」等陣先，黑澤發現安達好似誤會左啲咩。

「你一直以來都帶兩個禮物袋，送完比我，又送嘢比人。你嘅大部分客都係女性。你又咁好，咁有錢，咁靚仔，點睇得上我噢... ...」我只係一個full time錢唔夠，撈埋uber part time嘅社畜來咋。

「唔係，唔係咁嫁！！！無人可以比得上你嫁！！！果啲只係應酬來架咋！」

「但係，我唔係第一次見到你件衫有唇印又有香水味啊... ... 」

咦，安達佢恰醋啊，黑澤意識到安達真系鍾意佢啊，佢唔係單箭頭啊喂！！！

於是黑澤果斷地dum低紮花在長堤，一嘢跨過紮花攬實佢個BB豬。

「安達你聽我講！你信我啦，出面啲港女我一個都唔鍾意！！！

之前唔鍾意，依家唔會鍾意，以後我只係鍾意你一個！

我暗戀左你一年啦！我已經... 已經潔身守玉一年啦。

所有你收嘅禮物，全部都係我自己買架。

我平日除左返工，就係等緊搭你嘅車，就算有空閒時間都係走去做尖。

我有車啊，你可以揸我架車做U爸，收工返來，我煮飯你食啊。

放大假我地就一齊出去旅行... ...」

黑澤不斷咁解釋，安達塊面紅曬，佢唔知點表達好，但係已經聽到對眼係咁流眼淚。

唯有攬實黑澤條腰，硬弸弸嘅，睇來真系有八舊腹肌同人魚線。

收到信號嘅黑澤知道掂當啦！即刻抱起安達想舉高高。

「唔好玩啦，黑澤，依度好危險啊！」安達怕羞想阻止黑澤。

咁啱就比佢發現到，黑澤送佢紮花快比海風吹到想跌落海。

「黑澤，花啊！！！」

黑澤轉頭都望到紮花，BB話要花噢！！

即刻放低安達，衝去執返佢先。

行返過來，鄭重地送返紮花比佢嘅男朋友。

「邊有人送玫瑰比男仔嫁。」安達有啲扭扭擰擰。黑澤知佢其實好開心。

「唔夠嘅話！下次送紮更大束嘅比你～」

黑澤移開少少紮花，捧住安達塊面，錫左一啖佢嘅意中人。

吻後，兩人相視而笑。

過左陣，黑澤望左下隻錶，跟住對安達講，「我book左機場酒店食飯，我地去撐檯腳啦。」

「嗯。」安達點左點頭。

佢哋行返出長堤。

黑澤等左咁久終於可以拖住安達隻手，共浴在夕陽底下。

日子雖然過得東歪西倒，

但至少，我願同你牽手偕老，

結局再破爛同奔往，

任歲月再壞，與你，不致心慌。

END

歌list：
1.baby shark
2.Diulama
3. pretty cure 光之美少女 Twins
4.小櫻《扉をあけて》
5. 數碼暴龍《自動勝利Let's Fight 》鄭伊健
6. 多啦A夢 op 《夢》 廖碧兒
7. 香港釋迦牟尼樂園主題曲《他約我去見牟尼》
8. dear jane 銀河修理員