Plurk paste

《我做咗補習天王的小助教》5-8

☆廣東話鳩文
本文帶點粗口w
前言：本身想住黑澤上集仲未出句聲，驚今晚發夢見到佢追稿，於是快快手打字安排佢出來。

5/

安達跟住藤崎走入最大課室嘅中間嘅班房到，幫手開電腦同埋check設備。

一開機到lock screen嘅時候，揀咗黑澤優一的account入咗去。打開嚇親，連個desktop背景都是黑澤優一......即係安達最近見到那個廣告牌用圖，冇啲字咁解。認真去到邊都見到咁閃令令的黑澤，睇來今日都好難擺脫黑澤啦。

藤崎笑咗出聲，新嚟嘅同事每次見到黑澤都有啲縮沙嘅反應，可能唔太習慣咁靚仔嘅人。等陣見到真人黑澤大大隻甘企響佢隔離，一定要去cctv那邊食花生。

安達見到藤崎嘅笑聲唔是好明，佢岳高頭望藤崎，藤崎擺左下手要佢專心望返部電腦。

之後藤崎見時間差唔多就吩咐安達。
「阿係啦，安達，你選左上角個software入去啦，之後跟足今日教你嘅程序做，幫黑澤老師開返正面cam，同影住功課的cam，確認無誤就可以去隔離嘅班房做返差唔多就ok啦。今日你就去右邊班房到幫手坐堂啦。」藤崎講完就離開左班房。

「喔。」安達望住佢嘅背影應左一句之後，就專心咁望反部電腦，坐左在老師凳到幫手check機。

連黑澤入門同藤崎打左聲招呼都沒留意到。

黑澤都估唔到，補習社甘快手就請左個男TA來坐堂。佢對上果次同社長食飯都是隨口噏下。跟住今個禮拜一就見到有位坐到有些少駝背的哥哥仔，在佢個座位幫佢開機。

翻補習社穿衫可以好casual，所以安達穿左件淺色條紋襯衫內搭白tee，加多條牛仔褲，心口掛住個工作牌。個look好後生，黑髮配上安達嘅baby face，黑澤以為佢甘岩大學畢業就入來做，乍看好普通啫。

黑澤好隨意甘將佢樽裝住花旗參水的保溫杯擺咗喺張檯度。只見安達聽到聲後好驚青甘用上目線望住佢。

黑澤內心。
–––『哇！乜宜家啲後生仔仔？個顏都甘可愛嘅咩???個五官咁打得嘅！！！』本身沒乜嘢的黑澤除左想打腫自己塊面之餘，內心有種想對天咆哮的衝動！

『唔得！你要冷靜！你係個30歲就打遍補習界無敵手嘅成功傑青黑澤優一，砌低咗Koopa,Ken同Oscar等等補習名師，面對細你好多歲嘅新人，你千企要保持穩重又親切的笑容！』深呼吸，呼，吸，呼，吸。

『但！！佢望上來那下真是好可愛咧，眼神又pure啊，近望個眼珠啡色又似是水汪汪嘅波子甘，佢仲望到我實一實！』

安達見到黑澤的時候，佢都對黑澤優一的顏值表示驚為天人。
–––『哇，西裝骨骨的佢，真人靚仔過上鏡！』黑澤對住佢係咁眨眼，旁人睇仲以為佢放緊電，細望佢個眼睫毛真是長到無可挑剔。
『大熱天時仲穿住套老西來返工。好熱，好敬業。』老西又刷新咗佢對黑澤優一的完美形象。

黑澤微笑但無出聲，安達又唔知講乜好。

六角從門口探左下頭，望住對望左十幾秒的兩舊石像，決定都係對住安達叫出聲。

「安達哥，黑澤老師仲有10分鐘要上堂啦。經理要我叫你快啲過去隔離班房到準備啦。」

解救啦！

安達即刻收反視線，彈左起身，褪後果下比張凳的凳腳kick親。

安達心想仆街啦，今日要在天王腦細面前向後仆好瘀啊。

安達向後跌，就來快撲落地嘅果刻，黑澤出現咗即時反應，一個長腳行過來，一隻手扶住安達個背脊，一隻手竇住左對方個八月十五，仲有啲肉地。 而張凳撞到後面果道墻。

張凳好堅固，張凳沒散架，安達好地地，安達沒仆親。

「你無事啊嘛???……安達清。」黑澤扶佢那陣，掃左眼安達心口塊牌。然後扶返安達企直。

回神的安達瞬間成塊面焫著，甘on 9嘅事第一日返工比同事知道仲洗見人嘅，哇，仲要在腦細面前。佢唔知嘅係，藤崎對住cctv直擊現場發出咗姨母笑。

「對唔住對唔住對唔住，腦細，啊啊啊，黑澤老師你部電腦......我set好左啦，我仲要幫你set隔離機，我走先。」安達即刻企直成個人，緊張到揸實兩個拳頭，好驚黑澤會話佢，急急腳出咗班房，走去隔離做反佢坐堂的工作。

黑澤隔住塊玻璃望住熟到成個番茄甘的安達仔仔行返去佢自己個講台，乜宜家啲fresh grad甘cute cute的。

行入課室的Mandy桑捧住箱黑澤叫佢去準備派同學的天仁X茶，見到黑澤拓住個頭含春的樣，又望住佢對視緊邊個。

「佢是你鐘意個type來嫁噢。」Mandy望著仲是好緊張的安達，認同地點左下頭。

「你又知？」黑澤笑笑口咁對住Mandy笑。除返件西裝褸搭在張凳到，推返張凳到講台後坐返低。

「做你咁久死黨知你乜人品啦。真笑假笑分唔清咩。洗唔洗幫你去送杯嘢飲比那位仔仔啊。」Mandy翻白眼。

「好主意噢，唔該你。」黑澤郁郁佢個手指趕啊Mandy快啲去送殷勤。

「是啦，Mandy! 唔好做到太明顯啊。」黑澤又補多句比奉命行事的大學兄弟兼助理。

6/

面對住面前那杯天仁，Mandy桑同佢講話是黑澤「特登」留比佢嫁，話是在坐堂的時候可以飲。

安達望住Mandy離開前帶點神秘的微笑又走得好快的背影不明所以。

佢有啲唔好意思咁隔住塊玻璃想多謝返黑澤。冷靜返十秒之後，終於鼓起勇氣望過去嘅時候，黑澤對住佢揮手，安達都有少少尷尬咁同佢揮揮手。然後就即刻拿住杯天仁，指左指，up左下頭當多謝黑澤。黑澤就笑到四萬咁口，fingfing手表示講依啲，乜說話啊。

學生陸續入來坐爆個課室，每個人手上都揸住杯天仁。安達個心都定左定的，畢竟全世界都有，所以應該沒乜嘢掛，黑澤大人有大量應該是原諒左佢啱啱的柒事啦。連六角入班房的時候手上都揸左杯，佢想是員工福利嚟嘅。

安達諗，佢個胃應該頂到第二杯珍珠奶茶掛。飲埋真是要考慮洗唔洗食飯啦。

天仁喔，比中午飲果杯貢榮高級咁多，32蚊standard size vs 18蚊大大杯，貴啲但好飲好多，真是唔飲就笨柒啦。佢拿到呢杯仲要是鐵觀音鮮奶茶，加多珍珠，佢平時都唔捨得買咁貴的珍奶來飲。

他較完機之後即刻飲一啖，正啊，真是貴個十零蚊簡直是奶精同鮮奶的天淵之別，個茶底濃到呢，唔似貢榮咁淡茂茂。

哇，乜原來live堂坐堂咁幸福架，工資雖然低，有啲明點解坐堂位會爭崩頭啦。（女TA:???) 如果堂堂都有人請佢飲嘢，佢係唔係可以慳返筆茶錢。

安達fingfing頭，唔，都係唔好咁快下定論。

7/
夠鐘上堂啦。

送完杯茶後滿面春風嘅黑澤，佢個樣出現左在安達面前個mon同身後個projector。佢揸住支mic好認真咁同大家打左個招呼夾返幾個適合時宜的笑話，安達都忍唔住跟住大家笑咗出聲。

課室個喇叭360度立體環繞住高清音質的黑澤那把好磁性的聲，時高時低，仲好鼓舞人心。如果你唔是同我講佢是教數嘅話，望著班學生冧到爆的樣，連副眼鏡都反光住黑澤個靚仔外貌，其實安達心諗，佢係唔係在演唱會現場？

安達的數學都唔差，當年會考都好叻仔有拿到A。佢認同，成堂聽落來，上黑澤的堂真是好舒服，佢又唔擺架子。用盡曬堂上的每一分每一秒，比人覺得上佢堂實在值回票價。認真到等同學做題那幾分鐘，先會飲幾啖水再繼續開波。

比著佢以前中學陳sir教書，有得選，仲要有錢的話，安達有得補黑澤鬼會穩悶到飛起的陳sir噢。

黑澤講解公式淺顯易明，會叫啲同學mark實啲必考的題目例子，打好多粒星星要佢地記住返去要操多啲。仲會行去學生那邊睇下做成點，指點迷津。

隔住塊玻璃望過去，淺藍色襯衫配暗紋馬甲，成個人望上去意氣風發，線條又fit，絕對有練過。路過班學生，不時有一兩個人激動到響個書包拿樽氧氣來吸幾啖，有啲又拿手當扇撲，佢地塊面紅卜卜。

乜宜家啲學生學習壓力咁大的咩？定是要開凍啲冷氣？

然後安達依邊的課室都有啲躁動。

只見前果幾排有好幾個學生已經揸皺左檯面那張算草紙。
有個仲出聲，「挑！！最衰今日比學會阻住來遲左，排唔入中間的班房！」
有個女仔滅自己大脾又痛叫出聲。
「嬲啊！唔制啊！點解天王老師今堂咁多次行去班學生那道嫁。」
有啲在到咬耳仔。
「好羨慕啊！！我都想在搖滾區道學習！！」
「喂啊，如果唔是比我親眼見到live堂甘吸引！依家video堂真是對我索然無味阿！」
「下次一定要繼續哀阿媽比我通宵排黑澤個live堂！！然後早啲排到入搖滾區！」
「Totally agree with you ar！」

乜原來黑澤老師個中間班房入席仲要搶嫁？？？安達見識到原來補習社真是好識飢餓營銷。

你會唔會對住動物園塊玻璃入面的獅子老虎有攬住佢個衝動啊？但是對住補習社塊玻璃入面個靚仔老師流口水，依道有成班學生。

黑澤優一，獻身教育事業，年年收生萬人，講書又叻，神人一個，分分鐘打破孔子當年收生紀錄。響佢手下打份工，又有珍奶飲，安達今日到依家真是見識良多，是幾好的體驗來的。

佢又點會知道，今日黑澤特登行去學生那行果幾次，的確已經打破左佢平日上堂的紀錄。如果唔是借啲意行去學生道，佢點可以光明正大咁好好觀察下斜對角的安達。當安達有啲意向想望過來的時候，佢即刻耷低頭睇下學生做成點。

哇幾鬼險啊，差啲就比佢見到自己在到𥄫仔喔！定佢下次可以勇啲來個對望?

『我諗，佢一定唔相信依個世界上有一種心動，叫做一見鍾情。係老餅左d，咁對住喜歡的類型有少少好感是正常嫁嘛~~~』黑澤有幾次想飲啖水提神下火，然而被保溫杯入面仲熱嘅花旗參水辣親條脷，但佢又要在學生同安達面前扮沒嘢噢。

8/

時間過得好快，黑澤又是時候同各位同學講byebye。有唔少同學已經自動自覺在門口排隊想穩黑澤問數。黑澤好敬業咁執完嘢，行去細課室門口開始答同學的問題，而Mandy就幫佢計時，完左時間就下一個，如果無止境問落去，真是唔知幾時收工。

安達望左下個鐘，原來已經過左8點，佢可以去派書counter點齊啲嘢確保那邊落左閘，就可以執嘢打卡收工嚕。路過黑澤的時候，感嘆佢仲在到OT解決學生問題，真是個好好嘅老師。

安達執嘢都算快，返去員工休息室拿自己的袋，打左張卡。同其他同事講bye-bye啦，望下條走廊已經沒左黑澤同Mandy的身影。安達諗，佢哋應該是收工啦，今日總算結束啦。

依道的唔少細商戶早就收舖，連接住補習社門口的商鋪走廊顯得好暗，仲要沒乜人，真是好難想像幾個鐘頭前，依道排滿曬學生等緊上補習天王的堂。

安達拖住攰到爆的身體仲未醫肚，想住就咁在樓下茶餐廳求其食碗牛腩河就搭巴士返觀塘。

點知，「安達哥！！依道啊！望依道！」六角向安達方向叫喚。

誰重重叫喚我？？？安達望左過去，除左收工依然似打左十pack雞血的六角，有Mandy，仲有黑澤企左在扶手電梯附近。

「腦細請食飯啊～～～！等你好久啦，一起食飯啦！」

有飯食！！！安達啲精力翻曬來！太感動啦，有人請食飯！

跟住佢地一起搭扶手電梯落地下。

黑澤特登行在安達後面，就為左企在佢後一級，然後開聲。「安達有乜嘢想食啊？」

安達轉個身岳高頭望佢，「唔知喔，都咁夜啦。老師你有咩好推介阿？」

「你可以叫我黑澤啊。唔好叫老師咁緊張啦。」黑澤照單全收上目線的殺傷力，如果依刻有得影張相就好啦。

「喔好的，黑...黑澤。」安達有啲唔習慣咁親近，所以R左下頸。黑澤聽到個稱呼後即刻E起棚牙，笑容滿面。

「咁你原本諗住食啲乜啊？安達。」

「沒架，想緊依道麵鋪有好多檔，求其食碗牛腩河就走啦。」

「牛腩河好喔，好久沒食茶餐廳啦，最近依道咪開左間渣哥的，仲未有機會食過。不過同區有啲遠，下次可以同安達哥約食個lunch。」六角插句嘴。

黑澤feel到額頭有啲青筋暴裂，但佢依然維持好好的笑容。「我叫Mandy book左牛X啊，等陣過到德福就可以入座啦。」

牛X？？？係鄉下的日燒！！！紫菜飯！安達碌IG見過好多frd都食過！但佢仲咪食過啊！

「太破費啦，黑澤。」安達雖然好想好想食，但是都是要客氣地講返聲。

「聽講牛X即日好難book嫁喔。腦細你真是犀利的啫！Respect！」六角今次擦鞋都來唔切啦，佢是打從心底裏respect。

「乜說話，歡迎你地加入豐川依個大家庭就是。」黑澤純粹只是想請安達食飯，腦一熱本身就想放學截住安達問有沒興趣食餐飯，截唔到都想拿個number。

黑澤未去截住安達，就被貼心的助理截住左。Mandy居然安排左德福那間牛X，以迎新員工餐的名義，穩埋六角一起去，安達一定好難say no，咁多人沒咁易穿煲！

黑澤表示，你又啱喔！

『最鍾意就是幫腦細洗錢。』肚餓又想食燒烤的Mandy如此表示。

TBC

p.s. 下一次更新應該沒咁快啦w
p.p.s. 【hea p again】配上一張相，來自有一次補習天王終於求到佢的助教同佢一起，同買比學生禮物所影的相擺上天王個IG到。
p.p.p.s.話說入磊個會員到睇阿仔生日片見住佢向後撲真是好可愛，睇左我好多次。🤣