Plurk paste

去飲... 又聽到人話D八十後懶... 唔願做...
因為大發道理果一個人是在大陸做生意的... 所以在下就用經濟學問候佢...

D八十後日日OT... 佢地的基會成本係乜?
佢地要放棄放左工去溝女拍拖照顧家庭甚至去進修等等... 呢D係基會成本...
D八十後日日做到傻... 日日OT O到十九幾點... 做到唔停手... 佢地最後可以得到D乜?
辛苦就實有... 但上司都唔會讚兩句... 仲可能問候佢... 話佢呢樣果樣...
受氣都算... 加人工升職又無份... 睇住份人工... 都唔好話買樓結婚生仔... 連自立都有困難... 你會唔會去同老闆博老命?

但係佢都仲係死都要話D八十後懶... 又話佢地自私... 只係識睇利益...

在下好禮貌咁同佢講...

唉... 仲話做生意... 連咁簡單的經濟學都唔識... 等在下打個比喻過你...
假如有單生意... 你明知個客D價唔好... 仲要次次都蝕錢... 又要日日迫D員工OT追期... 又要受個客氣... 仲要可能收唔到錢... 你會唔會次次仆心仆命去接呢D單做? 你唔駛食飯... 你D火記駛唔駛食呀? 點解D大學生未畢業就排公屋... 情願去拿宗援... 就係因為D八十後打工仔日日被迫接呢D生意...你仲明味呀老闆?

當你對住D六七十後上司... 都唔好話教你野... 問佢野次次都係老點... 又乜都唔跟... 唔知... 唔理... 你同佢跟哂之餘... 仲要問候你... 而佢份人工仲多過你幾倍果D... 你又有乜感覺呀? 當你明知到依D六七十後上司果套去做實鑊... 你同佢地講有問題... 佢地都唔會理... 仲強迫你去做... 鑊左... 又要你同佢地執手尾之餘仲入你數... 你又有乜感覺呀? 而且呢D"上司"人數都唔少... 點解你又唔話下D六七十後懶呀? 自私呀?

由於皮已收... 其他人幫手打完場...
齊歡唱... 同興賀...