1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 | --------------------------------分隔線----------------------------- 大家好,為大家介紹,我肚入面的x週大萌小B~如無意外會係11月尾同大家見面(可惜意外發生了...)~BB姓文,乳名就用"文"差唔多音ge"萌"啦~叫萌小B~XDD 以下係發現萌小B同產前檢查記~萌小B性別下面揭曉~XD長文... 4月4日兒童節,第一次發現萌小B係我肚入面~M一向唔準,常常超過一個月。加上果排一直有谷M、流啡、M快要來的感覺,冇諗過係會有B。直到4月4日已比預定M期遲左8日,買支驗孕棒去驗下啦...一驗,真係有B!點算好?!=口=最初以為有B好易,所以會去揾資料睇。但漸漸發覺原來唔係咁易有B,加上自己M期咁...人地一年有12次機會,我可能得10次...慢慢唔再去睇資料,睇過ge都忘記得七七八八,哈...呢個時候萌小B就黎左la~我乜都唔知、唔識呀!=口=爸媽又去左旅行,媽媽唔係hk...好在有班媽媽fd~教下我點做,真係好多謝妳地~^3^ 第二日,去樓下診所驗多次。樓下間診所都係第一次睇,女醫生好後生,可能同我差唔多年紀。佢計一計,萌小B已經7週大?!不過我M唔準,要快d去照超聲波先知萌小B正確有幾大同預產期。醫生知我冇嘔,都話咁好ge~因為我冇乜唔舒服,所以唔知自己有左。期間仲食雪糕、爬高爬低...萌小B仲頂得順,好叻叻~醫生介紹左個婦科女醫生比我,係去照超聲波ge,咁去book個婦科同健康院~婦科12/4就睇得,健康院9/5,好耐... 12/4 透過超聲波終於見到萌小B啦~有心跳呀!好得意~終於有實感我肚入面真係有個B~萌小B得1.07cm大、7週,比之前淨計M期細左1週,預產期28/11~ 9/5 去健康院做第一次產前檢查,佢約左我8:40,因為係屋企已經填好表,所以係第一號籌~因為會抽血,怕會暈,所以媽媽陪我~護士好好人,傾最耐~知我到依家都冇嘔,話我陀得好舒服~萌小B錫媽媽lor~XD不過預產期佢計M期果個22/11,話差果幾日用22/11 la,反正37週都足月生得。唐氏檢查會轉介去醫院,不過未知幾時。醫生見3 mins都冇...人生第一次抽血...血就抽左3支...檢查結果目前知道除左太輕外暫時冇其他問題。11:00左右完成,走得~健康院同我約左11/5去醫院照B,話睇下BB幾大wor。 11/5 去醫院照B,約左我9:30,未去過醫院所以早左到。等呀等,過左9:40先度高、磅重,之後等等等...1個幾鐘左右後終於去下一步la~只係簽同意書...原來今日做埋唐氏檢查。之後再等等等...近11:30,終於入房見醫生可以照B la~知政府醫院唔會講好多野比你知,所以落足眼力去睇超聲波,我睇到佢度乜度到幾長、頸皮幾厚咁la~見到佢度到萌小B有5.5cm 12週~鼻尖尖,手手腳腳都有la~仲郁郁下~好得意!醫生仲話比我知手指公、大、小腿、腳掌係邊~全程我掃晒萌小B全身,尤其生殖器位置~XDD好似冇野突出wor~趁醫生話d手手腳腳係邊時,順勢問下依家知係男仔、女仔未?醫生話其實唔會睇性別ga,但問到就睇下,7成機會係女~XDD醫生真好人~不過另外check到我有個肌瘤,依家個瘤仲大過BB...可能會阻住BB出世,到時會好痛同可能早產...個瘤又冇得切,切左會仲衰...生完可能會細返。希望個瘤會細返,唔好阻住萌小B!見完醫生,去抽血。12:00終於完成,走得...接近3個鐘,9成時間係等...下次檢查又去返健康院。 萌小B好乖乖,到目前為止都冇令我有嚴重唔舒服,只係會好易攰同眼瞓,間中暈暈地咁。萌小B你要健健康康、平平安安咁成長,媽媽好期待11月尾見你、抱你~萌小B記住同我整細個瘤佢!你要足月出世呀!>"<最好萌小B出世果陣令媽媽冇咁痛啦,媽媽我好怕痛ga...^^"最愛你萌小B~萌小B你又最愛我~Yeah~ --------------------------------分隔線----------------------------- 最後一次私家婦科產檢,係7/6。不過之後幾日好忙,沒空記錄下來,想過幾天有空才寫,可惜未有空寫就出事。現在補回,嘗試還原當時心情。 7/6 照超聲波,今次會知萌小B性別,超期待~先度小B頭、肚、大腿骨,心跳。今次第一次聽到小B心跳,有149,好感動~小B重131g,15週,2日,正常size~小B趴左係度,不過都睇到性別~萌小B係女仔~XDD Yeah~我鐘意女仔~可以一齊扮靚靚~除左係我無重過外,BB好正常~肌瘤由一變2,size大了,可能要開刀生。我想順產...不過到時醫生決定要開刀,就開刀。小B係女仔,勁開心~點都要保住萌小B~行左陣街,診所打來通知我照結構的日子,安排係9月尾...下?!咁耐?11月生wor...個人好亂...搵媽媽fd,睇下有冇其他照結構ge醫生介紹。搞到大家一輪後,原來係姑娘擺烏龍,約返26/7照結構~麻煩到媽媽fd們了...^^"(可惜小B無機會等到照結構就成為小天使...) 11/6 崩潰的開端...這天的萌小B 15週5日,還差2日就4個月大了...一大早,仍在床睡,肚超痛,之後穿羊水...好多羊水...立刻call白車...心想穿水了,小B保不住,小B要走了...崩潰地哭...到急症室時,小B還有心跳,可是上病房後就聽不到心跳了... 12/6 失去了最愛的你...照超聲波,小B仍趴著,但已沒心跳了...羊水都幾乎全沒有了...在超聲波房哭著出來...下午就藥引流產。萌小B好乖,第二次放藥就出來了,沒令媽媽太痛。醫生話初步看到小B胸腔有問題、皮膚有些怪...不過未知是天生有問題,還是因為子宮收縮、羊水流失太耐所致,bb性別話看不到,要等報告。醫生怕我見到小B後會有陰影,影嚮第二次懷孕,不建議我睇小B,所以我沒睇過小B...只有小B出來時見到醫生把小B拿上來,遠遠見到紅紅的一小團。之後打宮縮針,排胎盤,這才最痛...有史以來最痛...痛到出不了聲...要打止痛針,怎知那支打止痛針超勁,勁在迷暈...它用暈來止痛...可是剛打的時候,是痛、暈一起來...嘔了幾次...一郁就暈...暈到第二日...排胎盤排得乾凈不用刮宮,謝天謝地!刮宮太傷,有可能影嚮小B回來。 13/6 其實我很想快些出院。但因為剛暈完,才第一次下床,醫生建議我留多一天,14/6做妊娠糖尿測試後再出院。肚內已沒小B了...孤獨一人...醫生話驗到胎盤有感染,不過未知感染從何而來,又是要等報告。 14/6 早上飲糖水做妊娠糖尿測試,之前聽說糖水好難飮,已有心理準備...結果是好味!好甜~食完中午飯,出院~回娘家"坐月"。 15/6 醫院打來,話驗到我陰道有感染,要回醫院拿藥。=__=才出院一天又要再回去...一星期的抗生素。其實穿羊水後就易感染,又驗到胎盤有感染,我沒感染才怪,一早應該出藥給我,要人走來走去... 16/6 晚上排了疑似胎盤組織出來,看指南,排胎盤組織出來要去醫院,真的排不乾凈就要刮宮... 17/6 上午打去醫院話我排了疑似胎盤組織出來,叫我拿組織去急症室,急症室會拿上病房。下午就去急症室,以為交了組織就能走,怎知要留院一日觀察...第二日照超聲波後,才能走。又住院了...肚子的皮膚出紅點和很痒...不知是什麼敏感... 18/6 照超聲波,大致已排乾淨,太細的殘餘胎盤組織照不到,由它自己排出,不用刮宮。食完中午飯出院了~多了止敏感藥for肚子皮膚。(吃完止敏感藥,仍是有紅點和痒,最後是坐月時看中醫調理身子,飮了中藥很快就好了~) 22/6 去私家婦科照超聲波,確認子宮已乾淨,2個瘤有縮小。 26/6 去醫院抽血,3支血...出事以來,我前前後後抽了超過10支血吧... 8/7 見惡露只餘少少,就去看中醫調理身子。我是氣虛...(現在仍在調理,日日飲2碗中藥...身子是有好轉~) 20/7 又去私家婦科照超聲波,除子宮除肌瘤外,冇問題,2個瘤細的已不見,大的有再縮小一點點。 22/7 回家。 31/8 早上去睇中醫,身子回復進度良好,依家可以調理for生b了~D中藥都好飲左。自己就想再調多少少日子,再回復得更好,先接小B返黎~下午去醫院睇報告,等左個半鐘先有得睇...驗左bb係正常,係16週的正常size,基因正常。性别冇驗到...=_=|||之前就話睇外表睇唔出...我當小B係女ga la!有B形鏈球菌,不過因為胎囊穿左、羊水穿左,會易感染,所以d菌可能係bb出事後先感染到。結論:唔知乜原因出事...=_= 醫生問我情緒,我仲係好掛住小B,諗起都會喊。醫生話準備就好就可以有B了~上次的糖尿測試有D擲界,8/9要再做過糖尿測試,又要飮糖水、抽血...超聲波睇肌瘤就排期到出年6月先有得睇...(咁耐...到時小B可能返來了...=_=)話呢次穿羊水,下次也可能會發生,不過下次成功平安正常出世的機率也好高。(<=乜都你講晒la...)肌瘤係出面,問題不大,只係個肚可能會好痛,要吃止痛藥。如果要開刀生,不會一般人咁開,肌瘤阻住。終於知自己ge血型---B+。 以下2段是分別在2個時期寫給小B的,所以有些重覆。 在這個6月是媽媽人生中最痛...身、心也受了最大的痛...崩潰、痛哭、裂心裂肺的痛...才2個月多一點點的甜蜜幸福美好時光,一下子就崩潰、終結了...變成痛苦、殘酷的現實...可以的話,媽媽願意用我所受的痛,換回你...後悔沒有再早點發現你,即使結果一樣,至少可以珍惜多一點點和你在一起的時間...我好愛、好愛你!一直在等你,媽媽沒法想像你不再回來,我會變成怎樣...所以你一定一定要再回來!等你!愛你!我最愛的萌小B~ 第一次坐白車、入院,原本以為入院是半年後的事情,那將會是驚喜又充滿期待的。卻沒想到會提早那麼多,有的是崩潰、絕望、驚慌、心痛欲絕...第一次吃醫院的飯、第一次睡醫院的床、第一次痛得死去活來...很多的第一次...失去了期待已久最愛的你,是第一次心痛得無法形容...這要是最後一次,媽媽不能承受第二次了,所以下次你回來我們一定一定要努力到最後,我們會幸福快樂地一起生活下去~等你~愛你~我最愛的萌小B~ 感謝花時間看完這篇長文的你,可以的話請記著萌小B曾經存在過。希望在不遠的日子裡,可以讓大家看到以健全的可愛模樣出世的萌小B~ p.s.我係當萌小B返左天上休息,會再返黎,下次(好希望會有)同今次個BB都係同一個人。 |
Direct link: https://paste.plurk.com/show/PPfXaybJ1JSedR8Sldxk