1 2 3 4 5 6 7 8 9 10 11 12 13 14 15 16 17 18 19 20 | 年度總結 1.遊戲 印象比較深的亮點有兩個: i.五月果時買咗神界原罪2, 果時遊戲o既一D細節已經令我覺得開發者對隻GAME好有愛,開始留意Larian Studios仲有乜GAME出,然後見到BG3 大受好評再拎埋game of the year, 有種老懷安慰o既感覺(?) ii.由9月出GAME 開始越o黎越燒得多時間落EAFC o既utimate team mode, o係三個月內已經燒咗以往玩三年燒o既時間orz...(好吧今日開始棄坑) 2.聽歌 睇完SPOTIFY個年度回顧,不出意料今年聽得最多果首係<<某種老朋友>> 意料之外o既係竟然聽咗八百幾次(印像中我以為自己只係LOOP咗幾日,點知原來今年有兩成時間係LOOP緊佢!?) 聽呢首歌,腦入面諗起o既係一個中一認識o既隔離班同學,一直以來,我都對佢有一份特殊o既信任感。 我入大學後大家少咗聯絡,後來佢結婚請咗包括我在內o既一班朋友做兄苐,聽到果幾年同佢比較多交集o既 朋友講到佢一D待人處事o既問題,已經覺得好似有D不妙。 後來因為各種原因前幾年多咗同佢接觸,就感覺到真係完全相性不合, 如果係近年先認佢,我諗應詃朋友都未必做得成orz。 後來再諗返當初o係中一相識之後,佢係唯一一個會o係我俾人欺凌時幫我正面迎擊欺凌者 而唔係選擇袖手旁觀/落井下石o既人。而且當年,佢都成日同我煲電話粥陪我癈UP。 (因為中一o既時候經常被身邊幾個朋友欺凌,中一時期應該算係我人生中最黑暗o既一段時間) 我諗呢D就係當初果份特殊信任感o既來源,佢對我o黎講, 可以話係o係我人生最黑暗時期身邊最重要o既一個陪伴者。 就算最後因為相性不合而只能成為某種老朋友, 我諗我永遠都會感激當初有緣得到同佢相識o既機會。 |
Direct link: https://paste.plurk.com/show/vuqU6VOVPpxWulFYc3zs