Plurk paste

「學界男神一起嚮拍賣會返工」

廣東話文，唔太9，一篇完。

設定: 大學AU之 <富家子弟出來歷練黑澤優一x 散工皇帝(?)安達清>

1
安達入咗大學頭果兩年，約在19到20歲那段期間，都冇做過好穩定嘅長期partime。衰就衰在於reg科問題，唔係天地堂，就是用曬半日時間就為咗上堂core。一望反排好咗個時間表，安達不得不哀嚎真是好難一個禮拜翻到3日full day的partime job。

所以在室友拓植嘅介紹下，安達就入咗好幾個Whatsapp 散工谷搵銀，mark實啲佢day off或者剩係請短鐘的散工賺反啲生活費。安達都慳住使的，係就係唔多，不過存埋存埋，想買figure嘅時候都不至於買咗之後，荷包豆零都沒嘅。

嗰批散工谷主要就係做開F&B(餐飲)，所以安達hall入面個衣櫃都備有兩條黑色西褲，著上去雖然有啲睇落唔合身，但係個腰圍係fit嘅。同埋會同hall的其他同學share一個燙斗，每次拓植見到都會讚佢把條褲燙得非常筆直。

總之依啲散工都係要求識拓盤就OK，安達在啲現場實操下慢慢練咗個零月先開始熟悉單手托盤，主要系左手托，右手傳菜，太重嘅佢有啲驚托唔到嘅就會雙手捧住，務求不過不失。

返工果時面頭就笠件人地比嘅制服，所以都嘗試過唔少餐廳啲衫。亦有做過唔少高級餐廳啲樓面，中式茶樓又有，時常笠一件印餐廳logo的M/L size tee，又有穿過好試正的襯衫馬甲，又穿過唐裝漢服賣下小籠包同點心或者打邊爐的嘅都有試過。

不過安達未做過大型婚宴同大中小型展會，人工係多啲，但要對住多幾倍嘅人，安達未係好有意欲去做。

有時候某啲餐廳經理都會要佢執下檯阿，不過因為每次都唔係長做一個地方，所以唔洗學落單，唔太洗交流佢都做得好自然。有時行運就會收到啲姐姐同姨姨客人比佢tips，50到幾百佢都收過，收到tips的安達那日都會獎勵自己收工買枝野飲。

安達會好衷心甘多謝比tips果位客人。拓植教落，總之，見到大過佢的女士們，一律唔好理三七二十一叫姐姐就得，佢都好聽話甘實行。有啲客人聽到佢講多謝之後，仲會讚佢好甜又乖，又會塞多張紙幣比安達袋住，搞到安達唔係幾好意思。

啲姐姐話。「你收啦，哥哥仔，你今日serve得好好啊。」但其實安達只不過係托盤傳菜。真係，未試過有姐姐話，唔鐘意睇佢收tips之後，熟到好似個番茄個shy boy樣。依個都係事後佢同拓植收工後，拓植話反比佢聽，啲姐姐(調戲弟弟)個樣不知幾心花怒放~~！

除咗反餐廳之外，安達都有接過好幾個job在唔同旺區到擺過booth，返四五個鐘頭派下餅乾啊，送下小禮物同sample，叫人like反公司fan page 甘啊，支持下啲新商品啊。

沒餐廳咁辛苦，但係就要頂住日曬同不太感興趣的人潮。好彩都有班姐姐啊妹妹啊，見到甘乖的後生仔，都會願意接下個sample嘅，比安達都可以清到一批貨，算是順利meet到達標啦。但依啲工多數先到先得要搶，唔比F&B的job多咁囉。

2
今個禮拜，安達見谷入面未有乜岩佢嘅job之後，就認真拿反本速寫簿，幫上個禮拜嘅草稿上色。戴住個貓耳宅系發光耳機聽下最近啲番的op同ed甘上下時，拓植就行埋過來，隊咗部ipad比安達睇。

「乜來架?」安達注意到個ipad之後，除低咗個耳機，轉下張電腦凳望住拓植。

「有個grad咗嘅師姐send msg比我話，佢最近手頭上做緊個畫展會有拍賣會，想請啲師弟妹去幫手睇場。」

「畫展??唔通係最近本地那位XXX大師要在今個月搞嘅果場?」安達接住左拓植個ipad，開始碌下入面個detail。

「應該係，除非唔係，依個係師姐比我睇嘅那個畫展detail，你有沒興趣join個拍賣會啊?」拓植挨在個上下床條梯等安達個反應。

「阿！真係佢！」安達按入去intro，confirm咗果個真係佢有follow開的藝術大師，興奮到彈起身，但就「嘭！」的一聲撞到個上床床板。

「阿！好痛！」安達即刻咪埋對眼，彎腰摸住自己個頭。

拓植驚佢冚到自己塊ipad，眼明手快甘搶反來護住自己嘅寶貝機。

「傻仔，生得高，有時雖然係壞處，不過都唔係壞事來嘅。」拓植伸手撙一撙安達個頭。

「係? 喂啊，唔好撙，痛架喂。」安達單起一隻眼望住拓植，拍低拓植個魔爪。

「知痛就下次唔好又撞啦。」拓植收反隻手之後叉在個腰到。「啦，今次個畫展搞個私人拍賣會，對男仔有要求嘅，身高必須達到1米75，個樣要靚仔，我睇你平日雖然穿衫個taste有待改善，執反個樣，gel個頭，笑得甜啲，都幾適合個job個要求嘅。」

「你都唔係好去邊啦，戴住副眼鏡遮住個樣，穿得甘密實，收埋收埋。」安達笑住串反拓植。佢索性都係乖乖坐反在張凳到。「個待遇點樣?」

「時薪一百蚊，返6個鐘，送多你一張畫展門飛，可以去畫廊參觀。」

「deal。」安達難得爽快地決定咗一次做展會嘅job，心情難免有啲興奮，係男神個畫展噢，可能會撞到男神都唔定。

然後醒反起，「不過甘旬嘅工，拓植你係唔係都去?」

「今次我去唔成啊，要翻屋企慶祝阿爺餐生日飯。話說你實質幾高?有沒米八?」拓植拿手機復返師姐話搵到人啦，然後幫安達填反少少個人資料。

「沒啦，米八只係個夢想，著高踭個皮鞋都勉強去到嘅，我實際身高米78。」

「OK。過張穿suit的cv相比我，我要send比師姐。」

「等我一陣下。」安達開返部電腦airdrop比拓植。

「Thanks. 師姐話你個條件都符合大會要求。禮拜六早上九點在灣仔XX酒店到報道，要求黑shirt黑西褲，佢睇完張相後建議你露反個額頭出來喔，gel個all back咁囉。」

「誒???all back?」安達留咗甘多年pat陰，仲未試過新嘗試。

「佢話唔好嘥咗你甘靚對眼嘛。要唔要借我個發膠過你。」拓植抄下個櫃桶拿咗個Gatsby出來。

「見到個牌子，再望埋你，我就諗起木村拓哉同首歌。」安達托住個腮望住轉左幾個圈過來的拓植。

「啦，用住先啦，沒得懶啦，唔可以靠梳頭了事噢。」拓植放在安達個枱面。

「噢~」安達有少少唔情願。

「自己上youtube搵下點樣gel個靚仔的all back啦。」

「盡量啦，為咗份job，為咗男神，唯有豁出去啦！」安達領咗拓植個情。

「仲有咩野差啊?」拓植問。

「沒啊，我有黑衫嘅，之前有份job有需要果時候買過，所以有。」安達連人帶張凳去左衣櫃門口，然後拿反出折得好服帖嘅黑衫同掛住嘅西褲，掛咗去出面個不鏽鋼晾衫竹，然後寫張memo紙貼在個板到提自己記得再燙多次衫。

3
會場正日。

今日安達在預定出門口前，早起咗成個幾鐘就為咗gel掂自己訓到成個鳥巢一樣甘嘅頭。睇來琴晚個睡姿相當奇怪得來，仲有因為興奮而訓得唔太好。

雖然來唔切在canteen食個早餐，不過都有係m記買咗個火腿芝士包配杯汽水，搭住個過海巴士穿紅隧去到灣仔有落。

在軒尼詩道落咗車之後，安達就打開個紙袋，邊咬包邊飲幾啖汽水上咗灣仔個天橋，全速競步前往酒店會場，保持唔可以流汗的心態爆走。

點都好，要留反個好印象比個大會嘅。

天橋路有啲長，但都有足夠時間比安達食曬個包，落天橋之前都可以dum埋個空杯落垃圾桶。

開反手機對反條路岩唔岩，行冇久就見到果間酒店。目前仲非常順利，早左十幾分鐘未到集合時間。

行入酒店大堂同前台拿咗個會場證後，安達就去電梯到準備搭lift。

而lift口位企住一位同樣都是等緊搭lift嘅後生仔，佢比安達高反少少，突破安達個夢想領域。依位少年穿咗件鬆身的卡其色西裝外套，同款色的九分褲，內搭一件米白色襯衫，配對牛津鞋。相貌絕對係個正統的超級靚仔，安達唔係好識形容，但係以相貌，以身材，絕對係一等一的model比例。如果比畫室啲女同學知道一定好想邀請佢做裸體model。

依個時候，對面個靚仔留意到安達個存在，安達就是一件白tee配條牛仔褲配返工鞋，手上搭住件行天橋太熱除咗的牛仔褸，好乾淨的少年配上青澀的面孔，配上佢gel個頭，成個人都英氣咗之餘。就散咗啲平日有pat陰睇落就好易俾人恰的脾氣。佢打量到安達張牌。

「你都係今日個會場做野?」佢友善地笑住問。

「阿，係啊。今日多多指教。」安達禮尚往來地點咗下頭。

「黑澤。讀hku，你呢。」黑澤見lift門打開，等安達入埋個lift之後就打開個話題。

「你可以叫我安達，poly。」兩個人都沒暴露自己個全名出來。

「食咗野未?」

「岩搞掂咗個M記。」黑澤問，安達都好自然甘回復。

「我去canteen食咗碗粥，我諗應該撐到段時間。」黑澤笑。

「我記得係event包食架可?」安達摸左下個下巴。

「嗯，酒店提供的餐飲我地都可以在break time到食。」黑澤答。

「我第一次反會場，有少少緊張。」安達本身真係有啲緊張，所以想R下個頭，一諗起今日個頭甘辛苦gel出來，最後都係收反自己隻手。

「唔洗驚，breifing嘅時候，會有工作安排，只不過拍賣會我地做的野唔係好多，所以放鬆啲啦，唔會叫你去做好難嘅野嘅。」

「你甘講我都算安樂啲。你成日都做展會架?」安達望向黑澤。

「嗯~都算是的。」黑澤其實係託屋企親戚個安排，來賺個零用錢甘嘅，佢個錢就梗是拿得多啲。

「哦，明白。」

依個時候lift門口打開，佢地就自然地結束咗個話題，去更衣室換反今日件黑衫黑褲。

4
黑澤比安達早咗啲換完衫行出來，然後在鏡面前整理下自己的衫領，而安達行出來的時候，黑澤正喺度幫衣袖扣鈕。

全黑的黑澤，比起岩岩穿淺色嘅佢，20歲的少年，換咗第二個look感覺又唔同咗。雖然個樣比同齡人成熟，全黑就帶出咗個人雷令風行的氣質。而且套衫得黑澤知道，佢其實穿咗成set Dior，但安達睇唔出。

而相比起安達，著上在u記買的全黑制服嘅佢，更顯得皮膚好白，一個溫文儒雅的少年換上全黑就添上帥氣嘅利落感。唔似平時的安達，但面相依然有啲覺得可以搓圓㩒扁的性格。

除左同黑澤有啲熟以外，其他靚仔都有講有笑。安達望住黑澤靜靜地執自己的野，唔識其他人的佢拿咗兩枝水之後，就過去圍爐取暖。

「我係一個人來嫁，我仲以為你會有朋友來添。」安達拿住自己個背囊塞反自己折好咗的衫入去。

「岩岩我就已經自己一個，如果有frd來我隔離就有人啦，安達。」黑澤對住安達覺得有啲好笑。

「我以為你會同其他人傾得埋嘛，我拿咗枝水，你要嗎?」安達遞過去。

「嗯，多謝。」黑澤伸手拿水，留意到安達個袖口未扣好。

「安達，伸反隻手出來。」

「阿?」

「你岩岩遞水比我果隻。」安達聽話甘遞出來。

然後黑澤就伸手幫安達扣好咗個鈕。安達feel到自己塊面有啲紅。

「另一隻手有沒扣好啊?」黑澤望反安達。

「阿?」本身有少少著緊頭先個情景的安達抬起頭望住黑澤。

上目線令人有啲想憐愛個弟弟，黑澤認為，安達係一個需要比人多啲照顧嘅對象，所以就當佢學弟甘湊，雖然黑澤沒問，事實上佢地應該係同級。

「舉埋另一隻手比我睇下。」果然，都未扣好。黑澤又幫佢扣反好來。

「阿，應該是得啦掛?」

「你唔洗將粒鈕扣上最上果粒架。」黑澤無語。

「阿，可以唔扣架咩?」安達以為個dress code要跟足，所以就扣曬啲鈕。

黑澤好自然甘幫佢解反粒鈕，「傻豬，驚你等陣行勻全場抖唔到氣啊。」唔小心掂咗下佢個喉核。

依個時候，安達就真是把持唔住，塊面成個紅到上耳仔。「阿，唔該你啊，黑澤。我擺野落locker先，我地等陣breifing見。」安達稱起曬自己啲野，成個龍捲風甘走咗。

黑澤好奇得來又有啲玩味地望住安達個背影。唔少男人都唔太喜歡比人掂到個喉核，而佢估唔到安達沒嬲，但對此甘敏感。

行遠咗的安達有啲腳軟，「無野嘅，幻覺嚟嘅啫。嚇我唔到嘅。」岩岩真係心跳加速啊，果個瞬間真係對個第一次見的靚仔有啲心動。

要收拾好個心情準備今日份工啊。

5
「歡迎大家今日來幫手今次的拍賣會，我地……」師姐開始breifing。

黑澤沒特登行去同安達一起企，而是企遠少少方便睇清楚安達同其他人嘅表情。

安達都係第一次同十幾個靚仔企響一齊，哇，師姐發動的人脈搜刮咗港九新界的學界男神，每個都各有特色，靚仔到眼花繚亂。有啲練得幾大隻，練得精壯又有啫。戴金絲眼鏡的有，無框眼鏡的都有，仲有啲半框眼鏡，睇落就似係返lab嘅仔仔，仲有一兩個高到米九，成班人如果有興趣嘅話，真係可以參與全民造星。

唯獨安達就生得比較童顏，眼睛水汪汪，比起現場個班型男，稍顯年幼，就被tick入咗師姐要穩嘅可愛小奶狗類型。

「好啦，甘就大家記得到時候，按反個floor plan企番在mark咗的位置，到時留意買家的牌，大聲啲叫biding協助拍賣會流程。依家我叫名，大家領反自己的name tag 掛在左心口。」

「John Choi?」「有。」

「Adam Lee?」「Here.」

「Chris Wong，Sorry，睇錯，Chris On?」「我係到，唔該師姐。」安達走去拿反自己的牌仔。

佢已經數唔清楚第幾次，比人叫錯Chris Wong。就係果個由細到大出現在各科卷面嘅留級之神，中文名叫允行，英文名叫Chris Wong。安達細個嘅時候都唔明點解，每年唔係要幫Chris Wong寫投訴信，就係要寫申請信，或者要作故仔。但自己個Chris個名係屋企改嘅，所以就沒改過。

「Nathan Chan?」「係！」

「Joseph Hak?」「我係，唔該。」黑澤走去拿牌。

安達一邊扣自己個牌一邊聽就覺得，Joseph個名聽落去好聖人feel。同反黑澤嘅第一印象都有啲似。同埋以前好似上音樂堂都有聽過依個名，但唔係好記得啦。

在黑澤眼中，安達就在度不斷嘗試扣反正。Chris個名幾好聽啊，雖然有啲爛大街，同在條街你求其大叫家豪啊，俊傑總會有個應你甘。不過唔少Hollywood明星都是依個名，所以還好。

黑澤等人散甘啲嘅時候，行埋去安達到。「我幫你。」

「阿?又麻煩你真係唔好意思。」奮戰緊嘅安達覺得自己仲可以再試。

「唔緊要。」黑澤兩三下就幫安達扣正。

「嗯，我地行啦。黑澤你同我一個group，仲企在我隔離，真係有緣。」講完安達拍下自己塊面，引得黑澤又望反佢。

「無野，無野，我幫自己打氣。」安達匆忙地解釋。

「嗯，到時靠你carry我啦。」黑澤邊講邊同安達並排行入會場。

「講依啲，我先至要你carry呀。Joseph Hak。」安達都忍唔住笑咗。

「Chris On，我地埋位啦。」黑澤笑住拍咗下安達脖頭為佢打下氣。

「嗯！」安達做反個握拳加油的pose。

而黑澤就回返同一個pose，就行反去遠安達3-4米的post到企定。

6
「Biding!！」安達紅住塊面對stage大聲傳呼返佢果幾排有買家舉牌。

安達都係第一次在幾個鐘內不斷甘要同拍賣師傳達返個買家要求，好新奇。瘋狂大聲輸出認真係豁左出去，平日安達係那啲細細聲講野嘅溫柔男仔。

收工一定要買喉糖！安達決定一定要比個喉嚨休養幾日。

特別在半個鐘內，有個對副畫真係好有興趣嘅買家，安達就需要不斷叫biding。

跟住一個鐘後，安達依邊果位買家就同黑澤果邊嘅買家燃起咗一定要拍低另一幅畫嘅鬥心。同時間對面果排都有一個男仔幫手第三位買家叫牌。

其他同排的靚仔就望住佢地依排嘅黑澤同安達兩個人點樣互相對叫，聲音此起彼落。

「biding！」安達伸手指向那排嘅買家。

「biding！」而黑澤揮手果下真係好似成個指揮家甘，安達系甘諗嘅。

相對於安達怕羞甘大叫biding，黑澤嘅biding就較為有中氣地持續輸出戰鬥力，不慌不忙甘幫手叫舉牌。

最後拍賣師bok錘宣佈安達那邊嘅買家成功拍得佳作。那排的買家起身歡呼，而黑澤果邊嘅買家，對住安達那邊果那位表示鄙視嘅眼神，於是安達那邊就表示，你吹啊係我買到啊。原來係兩個敵對仇人。

安達真係鬆咗口氣，總算搞定上半場，黑澤就報以微笑，用口型講反辛苦曬。安達都回返句，你都辛苦啦。

7
完咗今次嘅激烈拍賣時段，安達獲得一個break time。

安達在反個休息室在buffet拿嘅野食。黑澤就拿咗兩杯柚子蜜過來，一杯比自己，一杯比安達。

「唔該你啊，黑澤。」安達飲咗啖解救有啲痛嘅喉嚨，然後繼續拿支叉篤下舊cake。

「平日唔慣做依類job咧。」黑澤都飲返啖舒緩下。

安達含住啖野，有些少口齒不清「唔，禾之前返餐廳多，第一次過嚟做拍賣會。」下半句就快脆地吞埋個野食繼續講。

「唔好食甘急，個嘴角high到啲。」黑澤抽張tissue幫安達抹返pat醬。

「咳咳！唔該你。」安達清反個喉嚨，點點頭仲要扮冷靜。「你真係對人好好阿，黑澤。」

收到張好人卡的黑澤笑住摸咗下堂眉。「甘就都睇人嘅。安達，仲有時間繼續，你慢慢食。」

「喔！好嘅。」

依個時候黑澤拿手機出來復返啲message。復完望反安達。

「係啦，安達你有沒ig，可以互fo。」

「喔！當然可以，不過我沒擺好多相噢。同埋我有啲宅。」安達今次食埋依啖，奶乾淨嘴邊，先拿返手機出來。

「你個ig ac係?」

「chrison321。」

「我係kurosawa01。」黑澤望住安達開咗個search，所以講反。

「你個姓氏係羅馬音來的?」安達一邊輸入一邊問。

「嗯，我媽係日本人，因為屋企問題所以跟娘家姓，從細個已經在香港度住，主要係老豆頭家在香港。」

「我土生土長。屯門屋邨仔。」跟住安達按咗個follow，發現黑澤的followers突破兩千幾人，每個post嘅like都有幾百個，啲相堆入面都夾雜咗唔少拿獎的相，依個坐在度談笑風生嘅人真係好犀利，果然係優才生。

「我諗我算半個圍村仔?」黑澤收到安達個follow之後，都望咗下安達的IG放咩，基本上都係佢行展的收穫同設計。

「啫係新年你地屋企有盆菜食啊?」安達聽到圍村的term，放低咗部手機問。

「係啊，每年屋企都有盆菜宴，不過返日本過年會食返年菜同蕎麥麵。」黑澤答咗下，之後望到安達個icon係個望住腼腆甘笑住拿住枝畫筆抱住個貓貓公仔嘅細蚊仔相，對反安達，認得出佢個輪廓，特別係嬰兒肥個位。

「哇，我地屋企係阿媽新年正日唔煮飯，我地全屋出酒樓食。」安達將碟野清得七七八八。

「都幾好。我地大時大節都有去酒樓食飯。」黑澤接住安達的說話，黑澤諗係酒店的中菜廳應該算酒樓掛。

依個時候，休息室個門開咗。

「Boys，係時候繼續下半場啦。」

8
第二段嘅時間，A組同B組對調，所以安達同黑澤下部分時段調去野食區幫手捧酒同不斷走位，但就唔洗再叫biding啦。安達真係覺得實在太好啦，如果唔係佢驚個喉嚨未來幾日真係會廢。

但係捧住枝唔知幾皮野嘅香檳就真係令人有啲壓力山大。

好彩安達就唔係企在多人區嘅位置。

但係正因個區域少人，所以手上枝香檳一直就只係消耗左連1/3都沒嘅量。

安達望下隻CA-53W錶，仲有兩個鐘先完成今日份job。真係好沉重，安達想話枝酒好沉重。

當人一鬆懈想等放工嘅時候，放空嘅時候總係會有啲神奇事發生。

黑澤見住安達個樣開始攰，於是叫咗聲安達過來。

安達聽到呼喚之後，見係黑澤揮手叫佢，於是就捧埋枝酒過去。

行到中途嘅時候，唔知係邊個客人把張凳移出咗少少，而安達又沒睇清楚，就甘倒瀉咗啲香檳落客人個袋到。

「阿！」安達呆咗，即刻把托盤夾在個腰邊，同執反起枝酒。

黑澤就大步流星趕過來救場。

「點算，黑澤。客人個袋。」安達開始有啲想流眼淚。

「唔洗驚，佢地都聚集在拍賣區，無甘快返來。」

黑澤定睛一望，閉，係依牌當季的H開頭嘅名牌袋，家姐最近買咗個，所以佢知。安達可能沒甘多錢賠。望真啲，有一層pvc膠，都算頂咗下啲酒水，幸而枝酒嘅度數唔太高。

「好彩你唔係拿wine，撒得唔多。你即刻擺反好枝Champagne在酒區，我幫你處理。」黑澤冷靜咗落來，拿餐布處理漏出來嘅酒跡，即時抹乾咗個袋濕嘅位，再把張凳印乾。

安達急步行返埋來，預咗黑澤會用咗枱上的餐巾，佢手上拿咗塊新的餐巾同凳套

黑澤即刻拆左開拉鏈，check反原本的凳位仲濕唔濕，換咗個套之後，把個名牌袋放翻原位。推返好張凳，再執反個舊凳套。

安達則在張枱快速地折返個會場規定嘅天鵝餐巾。然後擺返在張枱到。

兩個人迅速扮無野行去角落企位。

「哇，頭先嚇Q死我。黑澤好彩有你救場。個袋我驚我賠唔起。」安達劫後餘生，真係依吓有啲眼濕濕。

「都有我嘅責任來嘅，唔係我叫你過來都唔會發生依單野。你事後都處理得好好，凳套做得好，你點識折個餐巾嫁。」黑澤扶住安達有啲騰騰震嘅身軀。

「我，之前嚮啲西餐廳做野，有師傅肯教我。」安達深呼吸咗幾下之後，忍返啲眼淚落肚，再答返黑澤。

「你做得好好，無野嘅，我地復原得好好，當無事發生。一定無野嘅。我同你調轉個post，你捧啲小食輕啲。」

「好。我會打醒返十二分精神做到最後。」

「嗯，你得架。」黑澤摸下安達個頭，之後轉去serve酒。

人潮開始行返去自己嘅位置就坐，而安達就望實果位袋出事嘅客人，但完全見佢沒乜反應，睇來真係過到骨！

於是，大步檻過嘅佢，就趁黑澤幫手傳酒嘅時候，行去同黑澤講。「佢無發現到啊。實在太好啦！」

「都話沒事嫁啦，唔好嚇自己。」黑澤換咗枝新酒，嫻熟地開瓶倒入個杯，準備再去送返比order嘅客人。

「嗯嗯，你岩。你送野先啦。」安達目送住黑澤行得比model仲好睇甘走開。

跟住落來，安達都好比心機把剩反低的工作做得好好。

最後，黑澤仲陪咗安達去搵藝術大師拿簽名。安達緊張到講唔到野，於是黑澤就幫個傻仔解釋，安達剩係識大力點頭，黑澤講乜都岩，隊咗本畫冊比男神簽名。

9
今日的拍賣會除咗發生咗啲小意外，基本上都完美落幕。

「真係好多謝你呀，黑澤，今日無你carry我就真係就大鑊啦。仲有多謝你同我一齊去拿男神個簽名。」拿住今日份糧加男神簽名嘅安達，再次鄭重地同黑澤道謝多次。

「沒啦，你應對都好快。」黑澤將份糧收好，兩個人一起行在天橋。

「不如，阿，我可唔可以請你食魚蛋燒賣多謝你?」安達見到樓下有檔小食店。

「我夜啲約咗屋企食飯所以留肚啊，有機會再食過? 你儲反啲錢啦，買自己鐘意嘅野。」黑澤微笑甘望住安達，望下份糧，望下樓下，再認真甘同佢講野嘅表情，真係幾可愛。黑澤覺得安達自己收反較好。

「甘啊。」安達有啲可惜，黑澤真係好有風度。

「我到啦，有緣再見啦。」黑澤最後摸下安達個頭，然後回頭揮手。

「嗯，我都落去搭返巴士翻hall啦，多謝你啊~黑澤！」安達大力甘向行遠咗嘅黑澤揮手。

香港咁細，總有一日會再見嘅。

end

p.s. 關於起名的哲學，谷到有一日講起DSE想幫Chris Wong開車，之後係 Sai Sai太太倫敦金上腦之後，覺得中環黑澤接左保險安達張名片，所以就下意識覺得安達個英文名應該是Chris On。🤣
而黑澤個英文名就係我自己深思熟慮（其實就想左十幾秒XD），因為櫻桃魔法個彩虹file夾，於是我醒起左一個音樂劇。
我唔知大家中學嘅時候，有沒音樂老師會播左套musical叫 Joseph and the Amazing Technicolor Dreamcoat（特登google lol），個埃及男主角Joseph有一件彩虹衫。
同埋我覺得安達雖然姓安達，不過姓安嘅話，其實又幾正常。我又在度想，為左令黑澤更rich（？）同町教佢近來有啲混血的妝，於是我就搞左個私設w，咁啊之後會在補習天王繼續重用返佢地個身分設定。
p.p.s幫安達選的錶選的梗，係back to the future。
p.p p.s. 愛情來得太快就像龍捲風~（老餅 call 佢地返天橋比我 hea p